మడకశిర, డిసెంబర్ 17: అనంతపురం జిల్లా మడకశిర ఎమ్మెల్యే టి.ఈరన్నపై అనర్హత వేటు నేపధ్యంలో రెండవ స్థానంలో నిలిచిన వైకాపా అభ్యర్థి డాక్టర్ తిప్పేస్వామికి అసెంబ్లీ స్పీకర్ కోడెల శివప్రసాద్ నుంచి కబురు అందింది. ఈనెల 19వ తేదీ కలవాలని అపాయింట్‌మెంట్ లభించింది.

తిరుపతి, డిసెంబర్ 17: రాష్ట్రంలోని వ్యవసాయ విద్యార్థులకు జీఓ 16 మేరకే ప్రభుత్వ ఉద్యోగాలు కేటాయించనున్నట్లు రాష్ట్ర వ్యవసాయ శాఖ మంత్రి సోమిరెడ్డి చంద్రమోహన్ రెడ్డి స్పష్టం చేశారు. సోమవారం ఉదయం తిరుపతి స్వర్ణముఖి అతిథిగృహంలో మంత్రి వ్యవసాయ అనుబంధ శాఖల అధికారులతో సమావేశమయ్యారు. ఈసందర్భంగా వ్యవసాయ కళాశాల విద్యార్థుల సంఘం నాయకులు మంత్రిని కలిసి జీఓ 16పై వినతిపత్రం అందించారు.

విజయవాడ, డిసెంబర్ 17: సబ్సిడీ తగ్గింపు కేవలం డిసెంబర్ 7 తరువాత మంజూరైన గోకులాలకు మాత్రమే వర్తిస్తుందని రాష్ట్ర పశుసంవర్ధక శాఖ మంత్రి ఆదినారాయణ రెడ్డి స్పష్టం చే శారు. వెలగపూడి సచివాలయంలో సోమవారం అధికారులతో సమీక్షించా రు. ఈ సందర్భంగా మాట్లాడుతూ రాష్ట్రంలో గోకులాల ఏర్పాటుకు ఇటీవల అమల్లోకి తెచ్చిన కొత్త నిబంధనలపై ప్రజల్లో అపోహలు ఉన్నాయన్నా రు.

విజయవాడ: పెథాయ్ తుపాను వల్ల కోనసీమలోని పలుప్రాంతాల్లో భారీ వర్షాలు కురుస్తున్నాయి. కాకినాడలో భారీవర్షాలతో పాటు బలమైన ఈదురు గాలులు వీస్తున్నాయి. విద్యుత్ స్తంభాలు నేలకొరుగుతున్నాయి. చాలా కొబ్బరిచెట్లు, సెల్ టవర్లు కుప్పకూలాయి. ప్రజలు బయటకు రావద్దని హెచ్చరికలు జారీ చేశారు. విజయనగరం జిల్లాలోనూ వర్షాలు కురుస్తున్నాయి.