నర్సీపట్నం, నవంబర్ 10: విశాఖ భూ కుంభకోణంలో ప్రమేయం ఉన్న అధికారులు నోరు విప్పితే అసలు సూత్రధారులెవరో బయటపడుతుందని మంత్రి చింతకాయల అయ్యన్నపాత్రుడు అన్నారు. శనివారం విశాఖ జిల్లా నర్సీపట్నంలో ఆయన విలేఖరులతో మాట్లాడుతూ సిట్ నివేదిక తనకు సంతృప్తిని కలిగించిందన్నారు. అయితే ఈ కుంభకోణంలో ఇరుక్కున్న అధికారులు తమపై ఎవరు వత్తిడి తెచ్చారో ఇప్పటికైనా బహిర్గతం చేయాల్సిన అవసరం ఉందన్నారు.

నరసాపురం, నవంబర్ 10: పశ్చిమగోదావరి జిల్లా పెనుగొండ నియోజకవర్గ మాజీ ఎమ్మెల్యే జక్కంశెట్టి వెంకటేశ్వరరావు (83) శనివారం తుదిశ్వాస విడిచారు. ఉమ్మడి ఆంధ్ర ప్రదేశ్‌లోని పెనుగొండ నియోజవర్గం నుంచి ఆయన 1978లో అసెంబ్లీకి ఎన్నికయ్యారు. అంతేకాక శాసనపక్ష బీసీ కమిటీ ఛైర్మన్‌గా జక్కంశెట్టి వ్యవహరించారు. రాజకీయంలో చురుగ్గా ఉంటూనే న్యాయవాదిగా గుర్తింపు తెచ్చుకున్నారు.

విజయవాడ, నవంబర్ 10: రాష్ట్రంలోని వివిధ రెసిడెన్షియల్ ఎడ్యుకేషన్ సొసైటీల పాఠశాలల్లో పని చేస్తున్న కాంట్రాక్ట్ అధ్యాపకులు, ఉపాధ్యాయులకు ఇక 15 రోజులు సాధారణ సెలవులు వినియోగించుకోటానికి అనుమతిస్తూ సొసైటీ సెక్రటరీ శనివారం ఉత్తర్వులు జారీ చేశారు.

విజయవాడ, నవంబర్ 10: సాధారణ ఎన్నికలు సమీపిస్తున్న నేపథ్యంలో అన్ని స్థాయిల్లోనూ పార్టీని బలోపేతం చేసేందుకు భారతీయ జనతా పార్టీ రాష్ట్ర అధ్యక్షుడు కన్నా లక్ష్మీనారాయణ కసరత్తు చేస్తున్నారు. రాష్ట్ర విభజన తర్వాత తొలిగా పార్టీ కార్యవర్గాన్ని ఏర్పాటు చేయడమే కాకుండా పార్టీ అనుబంధ సంస్థలన్నింటికీ పూర్తిస్థాయిలో నూతన కార్యవర్గాలను ఏర్పాటు చేస్తున్నారు.