విజయవాడ(సిటీ), నవంబర్ 6: గనులు తవ్వి ఎలుకను పట్టినట్లుగా జనసేన అధినేత పవన్ కళ్యాణ్ తీరు ఉందని రాష్ట్ర ఐటీ, పంచాయతీరాజ్, గ్రామీణాభివృద్ధిశాఖల మంత్రి నారా లోకేష్ వ్యాఖ్యానించారు. తూర్పుగోదావరి జిల్లాలో బాక్సైట్‌ను తవ్వేశారని, ఈ లీజులపై సమగ్ర విచారణ జరిపించాలని పవన్‌కళ్యాణ్ సోషల్ మీడియాలో డిమాండ్ చేసిన నేపథ్యంలో దీనిపై మంత్రి లోకేష్ మంగళవారం ట్టిట్టర్ వేదికగా స్పందించారు.

గుంటూరు, నవంబర్ 6: ప్రతిపక్ష నేత వైఎస్ జగన్మోహనరెడ్డిపై జరిగిన హత్యాయత్నం కేసులో నిందితుడు శ్రీనివాసరావును టీడీపీ సభ్యుడిగా పేర్కొంటూ మార్ఫింగ్ చేసిన సభ్యత్వ కార్డును ప్రచారం చేసిన కేసులో వైసీపీ నేత, మాజీ ఎమ్మెల్యే జోగి రమేషన్‌ను గుంటూరు అరండల్‌పేట పోలీసులు మంగళవారం విచారించారు. శ్రీనివాసరావు టీడీపీ సభ్యుడేనంటూ సభ్యత్వ కార్డు చూపిస్తూ జోగి రమేష్ విలేఖరుల సమావేశంలో ఆరోపించిన విషయం తెలిసిందే.

విజయవాడ, నవంబర్ 6: కరవు ప్రాంత కర్నూలు జిల్లా ఆలూరు నియోజకవర్గంలో వేదవతి ప్రాజెక్టును నిర్మించాలని కోరుతూ రాష్ట్ర జలవనరుల శాఖ మంత్రి దేవినేని ఉమామహేశ్వరరావుని మంగళవారం సీపీఐ రాష్ట్ర కార్యదర్శి కే రామకృష్ణ నేతృత్వంలో ఓ ప్రతినిధి బృందం కలిసి వినతిపత్రం సమర్పించింది. కర్నూలు జిల్లా ఆలూరు నియోజకవర్గం బాగా వెనుబడిన కరవు ప్రాంతమన్నారు.

పిఠాపురం, నవంబర్ 6: రాష్ట్రంలో అధికార పార్టీ ఎమ్మెల్యేలు, ఎంపీలు చేస్తున్న పాపాలు పండే రోజు వచ్చిందని, ఏదో ఒకరోజు వారు చింతకాయల్లా రాలిపోతారని, టపాసుల్లా పేలిపోతారని జనసేన అధ్యక్షుడు పవన్ కళ్యాణ్ హెచ్చరించారు. ఎమ్మెల్యేలు ఎంపీల పనితీరు దారుణంగా ఉందన్నారు. ఎమ్మెల్యేల అక్రమాలకు ముఖ్యమంత్రి వెన్నుదన్నుగా ఉండటం సిగ్గుచేటన్నారు.