కడప, అక్టోబర్ 12: ముఖ్యమంత్రి చంద్రబాబునాయుడుకు సన్నిహితుడు, రాజ్యసభ సభ్యుడు సీఎం రమేష్‌నాయుడు ఇంటిపై ఐటీ శాఖ అధికారులు శుక్రవారం ఆకస్మిక దాడులు నిర్వహించారు. కడప జిల్లా యర్రగుంట్ల మండలం పోట్లగుత్తి గ్రామంలోని సీఎం రమేష్ సోదరుల గృహ సముదాయాలపై ఐటీ అధికారులు దాడులు జరిపారు. ఉదయం 9 గంటల నుంచి సాయంత్రం 5 వరకు ఇళ్లలో సోదాలు నిర్వహించారు.

విజయవాడ, అక్టోబర్ 12: జెడ్పీటీసీ, ఎంపీటీసీ సభ్యులకు నిధుల కేటాయింపుపై సాధ్యాసాధ్యాలను పరిశీలిస్తామని 15వ ఆర్థిక సంఘం చైర్మన్ నంద్‌కిశోర్ సింగ్ హామీ ఇచ్చారు. వెలగపూడి సచివాలయంలో వివిధ పార్టీలకు చెందిన జెడ్పీటీసీ, ఎంపీటీసీ సభ్యులతో శుక్రవారం ఆయన భేటీ అయ్యారు. ఈసందర్భంగా సర్పంచ్‌తో పాటు తమకూ నిధులు కేటాయించాలని జెడ్పీటీసీ, ఎంపీటీసీ సభ్యులు కోరారు.

విజయవాడ, అక్టోబర్ 12: కృష్ణానదిలో జరగబోయే పవర్ బోట్ రేసింగ్ ప్రపంచ ఛాంపియన్‌షిప్ నిర్వహణకు సంబంధించిన పనులు వేగవంతం అయ్యాయి. జిల్లా స్థాయిలో ఏర్పాటైన సమన్వయ కమిటీ తొలి క్షేత్ర పర్యటన శుక్రవారం జరిగింది. రాష్ట్ర ప్రభుత్వం అత్యంత ప్రతిష్ఠాత్మకంగా ఈ పోటీలు నిర్వహిస్తుండగా, ఏర్పాట్లపై ఉన్నతాధికారులు దృష్టి సారించారు.

అనంతపురం, అక్టోబర్ 12: భారతదేశంలో తొలిసారిగా అడుగు పెట్టిన ఆటోమోబైల్ దిగ్గజం కియా కార్ల సంస్థ 2019 సెప్టెంబర్‌లో కమర్షియల్ ప్రొడక్షన్ ప్రారంభించనుందని ఆ సంస్థ సీనియర్ జనరల్ మేనేజర్ (ఐ అండ్ పీఆర్) ఎస్‌డీ.పార్క్ వెల్లడించారు. శుక్రవారం అనంతపురం నగరంలో ఏర్పాటుచేసిన విలేఖరుల సమావేశంలో ఆయన మాట్లాడుతూ కంపెనీ నిర్మాణం పురోగతిని, ఉత్పత్తి లక్ష్యాన్ని వివరించారు.