రాజమహేంద్రవరం, అక్టోబర్ 10: కార్మిక చట్టాలను సరళీకరిస్తున్నామని కేంద్ర కార్మిక, ఉపాధి శాఖా మంత్రి సంతోష్‌కుమార్ గాంగ్వర్ అన్నారు. 38 కార్మిక చట్టాలను నాలుగు విభాగాలుగా విభజిస్తున్నామన్నారు. తూర్పుగోదావరి జిల్లా రాజమహేంద్రవరంలో రూ.10 కోట్ల నిధులతో నిర్మించిన కార్మిక బీమా ప్రాంతీయ కార్యాలయ భవనాన్ని మంత్రి సంతోష్‌కుమార్ గాంగ్వర్ బుధవారం ప్రారంభించారు.

పాడేరు, అక్టోబర్ 10: అరకులోయ ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమను మావోయిస్టులు హత్య చేయడానికి సహకరించిన వారు ఎంతటి వారినైనా శిక్షిస్తామని మంత్రి నారా లోకేష్ స్పష్టం చేసారు. విశాఖ జిల్లా పాడేరులోని కిడారి క్యాంపు కార్యాలయంలో ఆయన కుటుంభ సభ్యులను హోంమంత్రి చినరాజప్ప, గిరిజన సంక్షేమ శాఖ మంత్రి ఆనందబాబుతో కలిసి బుధవారం ఆయన పరామర్శించారు.

సూళ్లూరుపేట, అక్టోబర్ 10: ఆధునిక సాంకేతికతను అందిపుచ్చుకొని ఆ దిశగా అంతిరక్ష ప్రయోగాలు చేపట్టడమే భారత అంతరిక్ష పరిశోధన సంస్థ (ఇస్రో) లక్ష్యమని షార్ అసోసియేట్ డైరెక్టర్ ఎం.బద్రినారాయణ మూర్తి అన్నారు. ప్రపంచ అంతరిక్ష వారోత్సవాల ముగింపు కార్యక్రమంలో భాగంగా బుధవారం నెల్లూరు జిల్లా సూళ్లూరుపేట పట్టణంలో అంతరిక్ష నడక (స్పేస్‌వాక్) నిర్వహించి డీఆర్‌డీఎల్ కాలనీలో విద్యార్థులకు అవార్డుల ప్రదానం చేశారు.

అమరావతి, అక్టోబర్ 10: రాష్ట్రంలో వైఎస్సార్ కాంగ్రెస్ ఎంపీలు రాజీనామా చేసిన ఐదు పార్లమెంటరీ నియోజకవర్గాల్లో ఓటమి భయంతోనే ఉప ఎన్నికలు జరక్కుండా బీజేపీ, వైసీపీలు కుట్రపన్నాయని ఆర్థికమంత్రి యనమల రామకృష్ణుడు విమర్శించారు. ఉప ఎన్నికలు ఎందుకు జరగలేదో ప్రతిపక్షనేత జగన్ ప్రజలకు వివరించాలని బుధవారం ఒక ప్రకటనలో యనమల డిమాండ్ చేశారు.