అమరావతి, అక్టోబర్ 8: మిల్లర్లలో క్రమశిక్షణ ఉండాలి..పద్ధతి ప్రకారం పనిచేయకపోతే రాష్ట్రం ఇబ్బందుల్లో పడుతుందని ముఖ్యమంత్రి చంద్రబాబునాయుడు స్పష్టంచేశారు. రాష్ట్రం ధాన్యం సేకరించినా ఇప్పుడు తీసుకోబోమని కేంద్రం లేఖరాసిందని, ఒక సీజన్ నుంచి మరొక సీజన్ వరకు సాగదీస్తే ఎలా అని కేంద్రం ప్రశ్నిస్తుంటే మిల్లర్లు జాప్యం చేస్తే ఎలా అని ప్రశ్నించారు.

విజయవాడ(సిటీ), అక్టోబర్ 8: ఏపీలో జలవనరులకు ఇస్తున్న ప్రాధాన్యాన్ని ప్రపంచానికి చాటేలా ఎఫ్ 1, హెచ్ 2 ఓ పవర్ బోట్ రేసింగ్ ప్రపంచ ఛాంపియన్ షిప్ పోటీలను అత్యంత ప్రతిష్టాత్మకంగా నిర్వహించాలని అధికారులను ముఖ్యమంత్రి నారా చంద్రబాబు నాయుడు ఆదేశించారు. నవ్యాంధ్రప్రదేశ్ నూతన రాజధాని అమరావతిలో నిర్వహిస్తున్న మొదటి ప్రపంచ స్థాయి పోటీలు అయినందున ఈ జలక్రీడలను అందరూ మెచ్చేలా ఘనంగా నిర్వహించాలన్నారు.

విజయవాడ, అక్టోబర్ 8: రష్యాలోని కజాని నగరంలో వచ్చే ఏడాది జరగనున్న ప్రపంచస్థాయి నైపుణ్య పోటీలకు ఆంధ్రప్రదేశ్ నుంచి ముగ్గురు ఎంపికయ్యారు. ఢిల్లీలోని ఎరోసిటీలో ఈ నెల 2 నుంచి 6వ తేదీ వరకు ఇండియా స్కిల్స్ 2018 పేరుతో జాతీయ స్థాయి నైపుణ్య పోటీలు జరిగాయి. 46 ట్రేడ్స్, 10 ప్రాంతీయ నైపుణ్యాలు, 4 డెమో స్కిల్స్ విభాగాల్లో జరిగిన పోటీల్లో 27 రాష్ట్రాల నుంచి 400 మందికి పైగా పాల్గొన్నారు.

రాజమహేంద్రవరం, అక్టోబర్ 8: గ్రీన్ కవర్‌ను పెంచడం ద్వారా కర్బన్ ఉద్గారాల తగ్గింపు ప్రస్తుత తరుణంలో కీలకమని ఆంధ్రప్రదేశ్ రాష్ట్ర అటవీ అకాడమీ డైరెక్టర్ జెఎస్‌ఎన్ మూర్తి అన్నారు. కర్బన్ ఉద్గారాల తగ్గింపు, అటవీ ప్రాంతాల సాంద్రతను కాపాడటం అటవీ అధికారులకు సవాల్‌గా పరిణమించిందన్నారు.