విశాఖపట్నం, సెప్టెంబర్ 16: ఇప్పటి వరకూ చేపట్టని వినూత్న కార్యక్రమాన్ని వైసీపీ చేపట్టింది. ఉత్తరాంధ్ర ప్రజలు ఎదుర్కొంటున్న సమస్యలను వెలుగులోకి తీసుకురావడంతోపాటు, వాటికి పరిష్కార మార్గాలను కూడా సూచించే విధంగా డాక్యుమెంటరీ, షార్ట్ఫిల్మ్ పోటీలను నిర్వహిస్తున్నట్టు వైసీపీ రాష్ట్ర ప్రధాన కార్యదర్శి, రాజ్యసభ సభ్యుడు విజయసాయిరెడ్డి తెలియచేశారు. విశాఖ పార్టీ విభాగం ఈ పోటీలను నిర్వహించనుంది.

విజయవాడ, సెప్టెంబర్ 16: రాష్ట్రానికి బ్రాండ్ అంబాసిడర్లుగా మారాలని చైనాలోని తెలుగువారికి రాష్ట్ర ఐటీ శాఖ మంత్రి నారా లోకేష్ పిలుపునిచ్చారు. చైనా పర్యటనలో భాగంగా ఆయన చైనా తెలుగు అసోసియేషన్ సభ్యులతో ఆదివారం భేటీ అయ్యారు. ఈసందర్భంగా ఆయన మాట్లాడుతూ రాష్ట్రాలుగా విడిపోయినా తెలుగు ప్రజలు కలిసే ఉన్నారన్నారు. తెలుగువారు ఎక్కుడ ఉన్నా అగ్రస్థానంలో ఉండాలన్న ఆకాంక్ష వ్యక్తం చేశారు.

విజయవాడ (సిటీ), సెప్టెంబర్ 16: వ్యవస్థలను మేనేజ్ చేయడంలో ఆరితేరిన చంద్రబాబు ఎన్నో కేసుల్లో స్టేలు తెచ్చుకొని తానేదో నీతిమంతుడిలా మాట్లాడుతున్నారని వైఎస్‌ఆర్ కాంగ్రెస్ పార్టీ సీనియర్ నేత, మాజీ మంత్రి బొత్స సత్యనారాయణ విమర్శించారు. రాష్ట్రంలో అవినీతి, ముడుపులు లేకుండా ఏ ప్రాజెక్టూ అమలు కావటం లేదని ఆరోపించారు. తాను మాట్లాడితే నిజాయతీ, అవతలి వాళ్లు మాట్లాడితే సత్యదూరమని విమర్శించటం విడ్డూరమన్నారు.

అమరావతి, సెప్టెంబర్ 16: వరదల బీబత్సంతో ఆపదలో ఉన్న కేరళ రాష్ట్రాన్ని పెద్దమనసుతో ఆదుకున్నారని ముఖ్యమంత్రి చంద్రబాబు నాయుడుకు కేరళ ముఖ్యమంత్రి పినరయ్ విజయన్ కృతజ్ఞతలు తెలిపారు. ఈమేరకు చంద్రబాబుకు ఆయన లేఖ రాశారు. ఆంధ్రప్రదేశ్ ప్రభుత్వం తరపున కేరళ ముఖ్యమంత్రి సహాయ నిధికి రూ.