అమరావతి, ఆగస్టు 20: ఆంధ్రప్రదేశ్ సచివాలయ భవనాల్లో మరోసారి వర్షపు నీరు లీకులు ఏర్పడ్డాయి. గత మూడురోజులుగా కురుస్తున్న వర్షాలకు మంత్రుల చాంబర్లలోని సీలింగ్ పెచ్చులు ఊడిపడటంతో విధులకు ఆటంకాలు ఎదురయ్యాయి. సచివాలయంలోని నాలుగోబ్లాక్ మొదటి అంతస్తులో మంత్రులు గంటా శ్రీనివాసరావు, అమర్‌నాథ్‌రెడ్డి చాంబర్లలోకి వర్షపునీరు చేరడంతో పాటు పైకప్పు సీలింగ్ పెచ్చులు ఊడిపడ్డాయి.

అమరావతి, ఆగస్టు 20: రాష్ట్రంలో గత నాలుగేళ్లుగా చేపట్టిన కార్యాచరణతో సాగునీటి రంగంలో కొత్త ఆశలు చిగురించాయని, రెండుకోట్ల ఎకరాలకు నీరందించే లక్ష్యానికి మార్గం సుగమం అవుతోందని ముఖ్యమంత్రి చంద్రబాబు నాయుడు ఉద్ఘాటించారు. అన్ని ప్రాజెక్టుల ఇంజనీర్లు, అధికారులు ఈ దిశగా చొరవ తీసుకుని త్వరగా పెండింగ్ ప్రాజెక్టులు పూర్తయ్యేలా పనులు చేపట్టాలని సూచించారు.

విజయవాడ, ఆగస్టు 20: వరదలతో అతలాకుతలమైన కేరళకు ఆర్థిక సాయం అందించేందుకు ఉద్యోగ సంఘాలు పోటీ పడుతున్నాయి. ఏపీ ఎన్జీవో సంఘం తరపున, ఉద్యోగ, ఉపాధ్యాయ, పెన్షనర్ల తరపున జేఏసీ అధ్యక్షుడు అశోక్ బాబు 20 కోట్ల రూపాయల విరాళం ప్రకటించిన కొన్ని గంటల్లోనే ఏపీ జేఏసీ అమరావతి తరపున చైర్మన్ బొప్పరాజు వెంకటేశ్వర్లు 80 కోట్ల రూపాయలు ప్రకటించారు.

విజయవాడ, ఆగస్టు 20: గత మూడు రోజులుగా ఎడతెరపి లేకుండా కురుస్తున్న భారీవర్షాల కారణంగా కృష్ణాజిల్లాలో వాగులు వంకలు గత పదేళ్లలో లేనివిధంగా పొంగి పొర్లుతున్నాయి. అనేక గ్రామాల మధ్య రాకపోకలకు తీవ్ర అంతరాయం ఏర్పడింది. ప్రకాశం బ్యారేజీకి వరదనీరు పోటెత్తుతోంది. ఐదేళ్ల తర్వాత తొలిసారిగా మొత్తం 70గేట్లను ఎత్తివేసి వచ్చిన నీటిని వచ్చినట్లే సముద్రంలోకి వదలుతున్నారు.