అమరావతి, జూలై 27: రాష్ట్రంలో పనిచేస్తున్న గ్రామ సమాఖ్యల సహాయకులు, రిసోర్స్ పర్సన్లకు ప్రతినెలా రూ 5వేల ఆదాయాన్ని అందించేలా కార్యాచరణ రూపొందించామని ముఖ్యమంత్రి చంద్రబాబునాయుడు వెల్లడించారు. మహిళా స్వయం సహాయక సంఘాల పొదుపు ఉద్యమంలో ప్రధాన భూమిక పోషిస్తున్న వీరికి త్వరలో ప్రభుత్వపరంగా నెలకు రూ 3వేల గౌరవ వేతనం అందిస్తామని ప్రకటించారు.

విశాఖపట్నం, జూలై 27: రేషన్ దుకాణాల ద్వారా నిరుపేదలకు అందుతున్న నిత్యావసర సరకుల సరఫరాలో డీలర్లు తమ పనితీరును మెరుగుపరచుకోవాలని, ప్రజల్లో సంతృప్తి స్థాయిని పెంచేందుకు కృషి చేయాలని పౌర సరఫరాల శాఖ మంత్రి పత్తిపాటి పుల్లారావు అన్నారు. ఉత్తరాంధ్ర, తూర్పుగోదావరి జిల్లాల రేషన్ డీలర్ల సదస్సు విశాఖలో శుక్రవారం జరిగింది.

అమరావతి: వచ్చే ఎన్నికల్లో 25 లోక్‌సభ స్థానాల్లో తెలుగుదేశం పార్టీ అభ్యర్థులను గెలిపిస్తే కేంద్రం మెడలు వంచి నిధులు తీసుకొస్తాం.. భావితరాల భవిష్యత్ కోసం టీడీపీని మరోసారి గెలిపించాల్సిన అవసరం ఉందని ముఖ్యమంత్రి చంద్రబాబునాయుడు అన్నారు. కష్టకాలంలో ఉన్న అమెరికాను ఫ్రాంక్లిన్ రూజ్‌వెల్ట్ అభివృద్ధిలో తీర్చిదిద్దారు.. ఆయన నాలుగు పర్యాయాలు అమెరికా అధ్యక్షుడిగా ఎన్నికయ్యారని ముఖ్యమంత్రి వివరించారు.

విశాఖపట్నం, జూలై 27: కోస్తా, రాయలసీమ జిల్లాల్లో మరో రెండు రోజుల పాటు ఒకటి, రెండు చోట్ల తేలికపాటి వర్షాలు కురిసే అవకాశం ఉందని విశాఖపట్నం వాతావరణ కేంద్రం అధికారులు శుక్రవారం రాత్రి తెలిపారు. రుతుపవనాల ప్రభావంతోనే వర్షాలు కురుస్తాయని పేర్కొన్నారు. ఉత్తర బంగాళాఖాతంలో ఈ నెల 30 నాటికి అల్పపీడనం ఏర్పడే అవకాశం ఉందన్నారు.