అమరావతి, జూలై 27: తెలుగుదేశం పార్టీలో ఇటీవల కొందరు నాయకులు అనుసరిస్తున్న వ్యవహారశైలిపై ముఖ్యమంత్రి, పార్టీ అధ్యక్షుడు చంద్రబాబునాయుడు తీవ్ర ఆగ్రహం వ్యక్తంచేశారు. శుక్రవారం ఉండవల్లి గ్రీవెన్స్‌హాల్‌లో నిర్వహించిన పార్టీనేతల సమావేశంలో ఎమ్మెల్యేలు బొల్లినేని రామారావు, పెందుర్తి వెంకటేష్‌పై వచ్చిన కథనాలపై ముఖ్యమంత్రి స్పందించారు. ఇష్టానుసారం వ్యవహరించడం సరికాదన్నారు.

నెల్లూరు, జూలై 27: వ్యవసాయ కార్మికులకు సమగ్ర చట్టం తేవాలని భూమి లేని పేదలందరికి 3 ఎకరాలు సాగుభూమి అందజేయాలని వామపక్షాల రాష్ట్ర కార్యర్శులు పి మధు, కె రామకృష్ణ ప్రభుత్వాన్ని డిమాండ్ చేశారు. శ్రీ పొట్టి శ్రీరాములు జిల్లా కేంద్రంలోని కస్తూర్భా కళాక్షేత్రంలో శుక్రవారం సిపిఐ, సిపిఎం ఆధ్వర్యంలో నిర్వహించిన వ్యవసాయ కార్మికుల రాష్ట్ర సదస్సులో వారు పాల్గొన్నారు.

విజయవాడ, జూలై 27: రాష్ట్రంలో తాజాగా ప్రారంభమైన అన్న క్యాంటీన్‌లు అన్ని ఎంతో దిగ్విజయంగా నడుస్తున్నాయని రాష్ట్ర పురపాలక శాఖామంత్రి నారాయణ అన్నారు. శుక్రవారం నాడిక్కడ ఆయన మీడియాతో మాట్లాడారు. దేశంలో ఎక్కడా లేని విధంగా కేవలం ఐదు రూపాయలకే అల్పాహారం... భోజనం అందిస్తున్నామన్నారు. ఇందుకోసం రూ.200 కోట్లు కేటాయించామన్నారు.

విజయవాడ, జూలై 27: ప్రతిపక్షనేత వైఎస్ జగన్, జనసేన అధినేత పవన్‌కళ్యాణ్ ఎంత త్వరగా తమ నోరును అదుపులో పెట్టుకుంటే అంత మంచిదని టీడీపీ రాష్ట్ర ప్రధాన కార్యదర్శి, ఆర్టీసీ చైర్మన్ వర్ల రామయ్య అన్నారు. శుక్రవారం నాడిక్కడ ఏర్పాటు చేసిన విలేఖరుల సమావేశంలో ఆయన మాట్లాడుతూ యువమంత్రి నారా లోకేష్‌పై వారు చేస్తున్న అవినీతి అరోపణలను తక్షణమే నిరూపించాలంటూ సవాల్ చేశారు.