అమరావతి, జూలై 13: ఈ ఏడాది స్వాతంత్య్ర దినోత్సవ వేడుకలను అధికారికంగా శ్రీకాకుళంలో నిర్వహించాలని ప్రభుత్వం నిర్ణయించింది. ఇందుకు సంబంధించి విజయవాడ క్యాంప్ కార్యాలయంలో ప్రభుత్వ ప్రధానకార్యదర్శి దినేష్‌కుమార్ అధ్యక్షతన వివిధ ప్రభుత్వశాఖల అధికారులతో సమావేశం నిర్వహించారు. స్వాతంత్య్ర వేడుకలను ఎలాంటి లోటుపాట్లు లేకుండా పకడ్బందీగా నిర్వహించాలని సీఎస్ దినేష్‌కుమార్ ఆదేశించారు.

విజయవాడ: ఎన్నికల మేనిఫెస్టోలో అన్నింటినీ నెరవేర్చామని, చెప్పనివి కూడా చేశామని, ఎవరైనా అడిగితే దబాయించి చెప్పాలని, చెప్పిన దానికన్నా అధికంగా చేశామని చెప్పాలని పార్టీ నేతలకు టీడీపీ జాతీయ అధ్యక్షుడు, ముఖ్యమంత్రి చంద్రబాబు నాయుడు దిశానిర్దేశం చేశారు. పోలవరం ప్రాజెక్టుపై లేనిపోని అనుమానాలు పెంచి, ఆ ప్రాజెక్టును బలిపశువును చేసే యత్నం బీజేపీ చేస్తోందని ఆరోపించారు.

విజయవాడ, జూలై 12: తెలుగుదేశం పార్టీని, ముఖ్యమంత్రిని చూసి ప్రతిపక్షాలు భయపడుతున్నాయని రాష్ట్ర ఆర్థిక శాఖ మంత్రి యనమల ఎద్దేవా చేశారు. ఉండవల్లిలో గురువారం జరిగిన టీడీపీ వర్కుషాపులో ఆయన మాట్లాడుతూ ఏదోరకంగా టీడీపీని దెబ్బతీయాలని ఆనాడు కాంగ్రెస్ పని చేసిందని, ఇప్పుడు బీజేపీ అదే పని చేస్తోందని ఆరోపించారు.

విజయవాడ, జూలై 12: నాలుగేళ్ల కళాశాల చదువు ఆ తరువాత నలభై ఏళ్ల కెరీర్‌కు ఏ విధంగా ఉపకరిస్తుందో మేధోమథనం చేసి ప్రభుత్వానికి తగు సూచనలు ఇవ్వాలని వివిధ వర్సిటీల వైస్‌చాన్సలర్లను ముఖ్యమంత్రి చంద్రబాబు నాయుడు కోరారు. ఉండవల్లిలోని తన నివాసంలో రాష్ట్రంలోని వివిధ వర్సిటీల వీసీలతో గురువారం నిర్వహించిన సమావేశంలో ముఖ్యమంత్రి మాట్లాడుతూ ఏపీని వైజ్ఞానిక కేంద్రంగా తీర్చిదిద్దే కృషిలో భాగస్వాములు కావాలన్నారు.