విజయవాడ, మే 18: రాష్ట్రంలో అవినీతి తగ్గిందని సీఎంఎస్ సంస్థ నివేదిక ఇచ్చిందంటూ అధికారుల వద్ద ముఖ్యమంత్రి చంద్రబాబునాయుడు ప్రస్తావించారు. జూన్ నెలలో కొత్త రేషన్‌కార్డులు, పింఛన్లు జారీచేయనున్నట్లు వెల్లడించారు. వెలగపూడి సచివాలయంలోని రియల్ టైమ్ గవర్నెన్స్ స్టేట్ సెంటర్‌లో పౌరసరఫరాల శాఖపై శుక్రవారం సమీక్ష నిర్వహించారు.

విజయవాడ, మే 18: ఒక్క కలం పోటుతో కర్నాటక గవర్నర్ పార్లమెంటరీ ప్రజాస్వామ్యాన్ని దెబ్బతీశారని, భారత రాజ్యాంగాన్ని పట్టపగలు హత్యచేశారని, ప్రజాస్వామ్యవాదులు అంతా దీన్ని వ్యతిరేకిస్తున్నారని రాష్ట్ర ఆర్థిక మంత్రి యనమల రామకృష్ణుడు ధ్వజమెత్తారు. ఆర్‌ఎస్‌ఎస్ భావజాలంతో ఉన్న గవర్నర్, బీజేపీ పట్ల పక్షపాతంతో వ్యవహరిస్తున్నారని శుక్రవారం ఒక ప్రకటనలో యనమల ఆరోపించారు.

విజయవాడ, మే 18: రాష్ట్రంలో జల రవాణా కోసం ప్రత్యేక రెగ్యులేటరీ అథారిటీని ఏర్పాటు చేయాలని, ఇందుకు సంబంధించిన విధి విధానాలను తక్షణమే రూపొందించాలని రాష్ట్ర ప్రభుత్వ ప్రధాన కార్యదర్శి (సీఎస్) దినేష్‌కుమార్ ఆదేశించారు. వెలగపూడి సచివాలయంలోని తన కార్యాలయంలో బోటు ప్రమాదాల నివారణపై శుక్రవారం సమీక్ష సమావేశం నిర్వహించారు. రాష్ట్రంలో చోటుచేసుకుంటున్న బోటు ప్రమాదాలపై ఆయన ఆందోళన వ్యక్తం చేశారు.

విజయవాడ, మే 18: కర్నాటక ముఖ్యమంత్రిగా యడ్యూరప్ప ఎన్నిక కావడాన్ని ఓర్వలేక విపక్షాలు అడ్డుకుంటున్నాయని బీజేపీ రాష్ట్ర ప్రధాన కార్యదర్శి సురేష్‌రెడ్డి ఆరోపించారు. విజయవాడలోని బీజేపీ రాష్ట్ర కార్యాలయంలో శుక్రవారం జరిగిన విలేఖరుల సమావేశంలో ఆయన మాట్లాడుతూ కర్నాటకలో బీజేపీ గెలుపును జీర్ణించుకోలేక వ్యతిరేక శక్తులు అవాకులు, చెవాకులు మాట్లాడుతున్నారంటూ విమర్శించారు.