విశాఖపట్నం, ఏప్రిల్ 25: రిజర్వేషన్ పోరుకు మరో కుల సంఘం గళమెత్తుతోంది. మొన్నటి వరకూ కాపులను వెనుకబడిన తరగతుల్లో చేర్చాలంటూ ఉద్యమం ఉవ్వెత్తున ఎగసిపడగా, ప్రభుత్వం కమిటీ వేసి కాపులను బీసీల్లో చేరుస్తూ అసెంబ్లీలో తీర్మానాన్ని ఆమోదించింది. ఆపై మత్స్యకారులను ఏస్టీల్లో చేర్చాలంటూ రాష్ట్ర వ్యాప్తంగా మత్స్యకార సంఘాలు దాదాపు రెండు నెలల పాటు ఉద్యమించాయి.

గుంటూరు, ఏప్రిల్ 25: మాజీ మంత్రి కన్నా లక్ష్మీనారాయణ బుధవారం తెల్లవారుజామున అస్వస్థతకు గురయ్యారు. బీజేపీకి రాజీనామా చేసిన ఆయన మధ్యాహ్నం 2గంటలకు తన అనుచరులు, సన్నిహితులు, వేలాది మంది కార్యకర్తలతో కృష్ణా జిల్లా ఉంగుటూరు వద్ద ప్రతిపక్ష, వైఎస్‌ఆర్ కాంగ్రెస్ పార్టీ అధినేత వైఎస్ జగన్మోహనరెడ్డిని కలుసుకుని పార్టీలో చేరేందుకు రంగం సిద్ధం చేసుకున్నారు.

మారేడుమిల్లి, ఏప్రిల్ 25: తోటలో జీడి గింజలు సేకరించడానికి వెళ్లిన గిరిజనుడిపై ఎలుగుబంటి దాడిచేసి, తీవ్రంగా గాయపరిచింది. తూర్పు గోదావరి జిల్లా ఏజెన్సీ ప్రాంతం మారేడుమిల్లి గ్రామం ధారవాడలో బుధవారం ఈ ఘటన చోటుచేసుకుంది. వివరాలిలా ఉన్నాయి. మారేడుమిల్లి మండలం ధారవాడ గ్రామానికి చెందిన పల్లాల సోమిరెడ్డి (35) బుధవారం ఉదయం తన తోటలో జీడిమామిడి గింజలు సేకరించడానికి వెళ్లాడు.

అనంతపురం, ఏప్రిల్ 25: ఉమ్మడి తెలుగు రాష్ట్రాల గవర్నర్ ఈఎస్‌ఎల్.నరసింహన్ బతకనేర్చిన వ్యక్తి అంటూ అనంతపురం ఎంపీ జేసీ.దివాకర్ర్రెడ్డి వ్యాఖ్యానించారు. బుధవారం అనంతపురంలోని తన కార్యాలయంలో విలేఖరులతో జేసీ మాట్లాడుతూ గతంలో దివంగత ప్రధాని ఇందిరాగాంధీ, కాంగ్రెస్ అధినేత్రి సోనియాగాంధీతో నరసింహన్ సన్నిహితంగా మెలిగారన్నారు. అలాంటి వ్యక్తి ఇప్పుడు ప్రధాని మోదీకి దగ్గరయ్యారన్నారు.