ముంబయి, ఫిబ్రవరి 27: చైనా నుంచి వివిధ దేశాలకు వ్యాపిస్తున్న కరోనా వైరస్ ప్రభావం ప్రపంచ దేశాల స్టాక్ మార్కెట్లపైనా స్పష్టంగా కనిపిస్తున్నది. ఈ వైరస్ కారణంగా ఇప్పటి వరకూ 2,750 మంది మృతి చెందగా, ఇది సోకిన సుమారు 80,000 మంది ఆసుపత్రుల్లో చికిత్స పొందుతున్నారు. ఈ వార్తల నేపథ్యంలో మదుపరులు భయాందోళనలకు గురికావడంతో, అంతర్జాతీయంగా మార్కెట్ సూచీలు నష్టాల్లోనే కొనసాగుతున్నాయి.

న్యూఢిల్లీ: సీఎన్‌జీ వాహనాల వాడకంలో ఢిల్లీ అగ్రస్థానాన్ని ఆక్రమించింది. ఈ ఏడాది జనవరి 1వ తేదీ నాటికి ఢిల్లీలో 10,76,461 సీఎన్‌జీ వాహనాలు ఉన్నాయి. తర్వాతి స్థానాన్ని 10,01,698 వాహనాలతో గుజరాత్, దాద్రా నగర్ హవేలీ సంపాదించాయి. మహారాష్ట్ర 9,97,401 సీఎన్‌జీ వాహనాలతో ఈ జాబితాలో మూడో స్థానంలో నిలిచింది.

ముంబయి, ఫిబ్రవరి 26: ఇటీవల సుమారు ఆరు నెలల పాటు చెలరేగిన కార్చిచ్చు కారణంగా లక్షలాది వన్యప్రాణులు సజీవ దహనమైన నేపథ్యంలో ఆర్థికంగా అతలాకుతలమైన ఆస్ట్రేలియా ఇప్పుడిప్పుడే కోలుకుంటోంది. కార్చిచ్చు కారణంగా దెబ్బతిన్న పర్యాటక రంగంపై ఇప్పుడు దృష్టి సారించింది. ఈ రంగంలో భారీ పెట్టుబడుల కోసం ప్రణాళికలను సిద్ధం చేస్తోంది.

న్యూఢిల్లీ, ఫిబ్రవరి 26: గత ఏడాది డిసెంబర్‌లో విదేశీ డిపాజిట్లు పెరిగాయి. అధికారిక గణాంకాల ప్రకారం నవంబర్‌లో 1,32,669 మిలియన్ డాలర్ల ఎన్‌ఆర్‌ఐ డిపాజిట్లు వచ్చి చేరగా, డిసెంబర్‌లో ఆ మొత్తం 1,33,135 మిలియన్ డాలర్లుగా నమోదైంది. 2018 డిసెంబర్‌లో ఎన్‌ఆర్‌ఐ డిపాజిట్లు 1,25,773 మిలియన్ డాలర్లు. గత ఏడాది జనవరిలో 1,25,204 మిలియన్ డాలర్లు చేరుకోగా, ఫిబ్రవరిలో మరికొంత పెరిగి, 1,25,599 డాలర్లకు చేరింది.