ముంబయి: దేశీయ స్టాక్ మార్కెట్లు వరుసగా మూడో వారం బలహీనపడ్డాయి. శుక్రవారంతో ముగిసిన ఈ వారంలో బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ భారీగా 1,249.04 పాయింట్లు పడిపోయి, రెండు నెలల కనిష్ట స్థాయి 36,841.60 పాయింట్లకు దిగజారింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 372.10 పాయింట్లు కోల్పోయి, కీలకమయిన 11,200 స్థాయికన్నా దిగువకు దిగజారి 11,143.10 పాయింట్ల వద్ద ముగిసింది.

చెన్నై, సెప్టెంబర్ 22: తమిళనాడులోని ట్యుటికొరిన్‌లో స్టెర్‌లైట్ ప్లాంట్‌ను మళ్లీ తెరిచే ప్రసక్తే లేదని రాష్ట్ర ప్రభుత్వం వెల్లడించింది. వేదాంత లిమిటెడ్ యూనిట్ ఆధ్వర్యంలోని ప్లాంట్‌ను మూసేయాలన్నది విధాన నిర్ణయమని ప్రభుత్వం స్పష్టం చేసింది. ప్రజల సెంటిమెంట్‌కు వ్యతిరేకంగా ఎలాంటి నిర్ణయం తీసుకోలేమని పేర్కొంది.

న్యూఢిల్లీ: ప్రధాని నరేంద్రమోదీ ప్రభుత్వం అనుసరించిన ఆర్థిక విధానాల వల్ల బ్యాంకులు దివాలా తీశాయని, ఈరోజు రుణాలు మంజూరు చేసేందుకు కూడా తగిన నిధులు బ్యాంకుల వద్ద లేవని కేంద్ర మాజీ మంత్రి పి చిదంబరం ధ్వజమెత్తారు. ఎగుమతి పరపతి గణనీయంగా పడిపోయిందన్నారు. గత ఏడాది జూన్ 2017లో ఎగుమతి పరపతి రూ.39వేల కోట్లు ఉండగా, ఈ ఏడాది జూన్‌కు రూ.22,300 కోట్లకు దిగజారిందన్నారు.

ముంబయి, సెప్టెంబర్ 21: తనపై ఉన్న నాన్‌బెయిలబుల్ వారెంట్‌ను రద్దు చేయాలని పంజాబ్ నేషనల్ బ్యాంకు కుంభకోణంలో సహ నిందితునిగా ఉన్న వజ్రాల వ్యాపారి మెహల్ ఛోక్సీ శుక్రవారం సీబీఐ కోర్టును ఆశ్రయించారు. భారత్‌కు వస్తే తనకు ప్రాణహాని ఉందని ఆయన విన్నవించారు. పంజాబ్ నేషనల్ బ్యాంకులో 12,636 కోట్ల మోసానికి సంబంధించి సీబీఐ మే 22న రెండో చార్జిషీటు దాఖలు చేసిన విషయం తెలిసిందే.