ముంబయి: దేశీయ స్టాక్ మార్కెట్లు వరుసగా ఆరో సెషన్ బుధవారం మరింత బలహీనపడ్డాయి. రూపాయి విలువ మరింత పడిపోవడంతో పాటు అభివృద్ధి చెందుతున్న ఆర్థిక వ్యవస్థల కరెన్సీ మార్కెట్లు ఎదుర్కొంటున్న ఒడిదుడుకుల కారణంగా స్టాక్ మార్కెట్లలో మదుపరులు అమ్మకాలకు పూనుకున్నారు. దీంతో దేశీయ స్టాక్ మార్కెట్ కీలక సూచీలు పతనమయ్యాయి.

న్యూఢిల్లీ, సెప్టెంబర్ 5: దేశంలో వరుసగా పది రోజుల పాటు పెరిగిన పెట్రోల్, డీజిల్ ధరలు బుధవారం యథాతథంగా ఉన్నాయి. చమురు మార్కెటింగ్ సంస్థలు బుధవారం వీటి ధరల్లో ఎలాంటి మార్పు చేయలేదు. మంగళవారం పెంచిన ధరలనే కొనసాగించాయి. అయితే, పెట్రోల్, డీజిల్ ధరలు ఇప్పటికే సరికొత్త రికార్డు గరిష్ఠ స్థాయిలకు చేరుకొని ఉన్నాయి. దేశ రాజధాని ఢిల్లీలో లీటర్ పెట్రోల్ ధర రూ. 79.31గా ఉంది.

ముంబయి, సెప్టెంబర్ 5: పత్తి కొనుగోళ్లకు సంబంధించి కాటన్ అసోసియేషన్ ఆఫ్ ఇండియా, ముంబయి స్టాక్ ఎక్స్ఛేంజీ మధ్య బుధవారం అవగాహన ఒప్పందం కుదిరింది. ఫ్యూచర్స్ ట్రేడింగ్ ప్లాట్‌ఫారమ్‌ను ఏర్పాటు చేసి అభివృద్ధి చేయాలన్న లక్ష్యంతో ఈ ఒప్పందం ఖరారు చేశారు. వచ్చే ఐదేళ్లపాటు ఈ ఒప్పందం అమలులో ఉంటుంది.

హైదరాబాద్, సెప్టెంబర్ 5: రాష్ట్రంలో పారిశ్రామిక అభివృద్ధి చెందడానకి టిఎస్‌ఐపాస్ కీలకపాత్ర పోషిస్తున్నదని చైర్మన్ గ్యాదరి బాలమల్లు అన్నారు. మెగా పారిశ్రామిక ప్రాజెక్టులతో పాటు కొత్త పారిశ్రామిక ప్రాజెక్టులను త్వరితగతిగా పూర్తి చేయడానికి ప్రభుత్వం ముమ్మరంగా ప్రయత్నాలు చేస్తోందన్నారు. బషీర్‌బాగ్‌లో రూ.60 లక్షలతో కార్యాలయాన్ని ఆధునీకరించినట్లు ఆయన చెప్పారు.