న్యూఢిల్లీ, జూన్ 18: శారదా పోంజీ మనీ ల్యాండరింగ్ కేసులో మాజీ కేంద్ర ఆర్థిక మంత్రి చిదంబరం సతీమణి నళినీ చిదంబరంకు ఎన్‌ఫోర్స్‌మెంట్ డైరెక్టరేట్ తాజాగా సమన్లు జారీచేసింది. ఆమె జూన్ 20న కోల్‌కతాలోని ఈడీ కార్యాలయానికి హాజరు కావాల్సి ఉంటుంది. గత మే 7న విచారణకు హాజరు కావాలంటూ ఈడీ తనకు జారీ చేసిన సమన్లను సవాలు చేస్తూ సీనియర్ అడ్వకేట్ అయిన నళినీ చిదంబరం మద్రాసు హైకోర్టులో సవాలు చేశారు.

న్యూఢిల్లీ: ప్రపంచ వాణిజ్య యుద్ధం వస్తుందేమోనని తాజాగా నెలకొన్న భయాందోళనలు, అంతర్జాతీయ మార్కెట్‌లో ముడి చమురు ధరల కదలికలు, రుతుపవనాల పురోగతి వంటి అంశాలు సోమవారం నుంచి మొదలయ్యే వచ్చే వారంలో దేశీయ స్టాక్ మార్కెట్ల ధోరణిని నిర్దేశించనున్నాయనేది నిపుణుల అంచనా.

హైదరాబాద్, జూన్ 17: బయ్యారంలో ఉక్కు పరిశ్రమ ఏర్పాటుకు తెలంగాణ ప్రభుత్వం కట్టుబడి ఉందని మంత్రి కేటీఆర్ స్పష్టం చేశారు. ఇటీవల ఉక్కు పరిశ్రమ ఏర్పాటుపై ప్రభుత్వం అలసత్వం వహిస్తోందని, చివరకు ప్రధాని మోడితో ఈ విషయంపై చర్చించక పోవడంపై ప్రతిపక్ష కాంగ్రెస్ పార్టీ తీవ్ర స్థాయిలో ఆరోపణలు చేస్తోంది. ఈ నేపథ్యంలో ఆదివారం ప్రగతి భవన్‌లో మంత్రి కేటీఆర్ ఉక్కు ప్లాంట్ ఏర్పాటుపై సమీక్ష సమావేశం నిర్వహించారు.

న్యూ ఢిల్లీ: కేంద్రం ప్రతిష్టాత్మకంగా అమలు చేస్తున్న ఆయూష్మాన్ భారత్ నేషనల్ ఆరోగ్య బీమా పథకం కింద త్వరితగతిన క్లైమ్‌లను పరిష్కరించడంలో జాప్యం చేసే బీమా కంపెనీలపై పెనాల్టీలను విధించనున్నారు. ఈ ప్రతిపాదనను కేంద్రం చురుకుగా పరిశీలిస్తోంది. 15 రోజుల్లోగా క్లైమ్‌ను పరిష్కరించని పక్షంలో, క్లైమ్ సొమ్ముపై వారానికి ఒక శాతం చొప్పున పెనాల్టీని విధిస్తారు.