న్యూఢిల్లీ: ప్రస్తుతం దేశంలో డేటా ఎంతవరకు సురక్షితమనే అంశంపై ప్రపంచ దేశాలు భారత్‌ను సునిశితంగా పరిశీలిస్తున్న తరుణంలో, గూగుల్ తన క్లౌడ్ ఫ్లాట్‌ఫామ్‌పై కస్టమర్ల భద్రతకు పూర్తి హామీ ఇచ్చింది. ‘కస్టమర్ల విశ్వాసాన్ని కోల్పోతే మా వ్యాపారం దెబ్బతింటుంది. అందువల్ల మా కస్టమర్ల డేటా భద్రతకు మేం పూర్తి బాధ్యత తీసుకుంటాం’ అని గూగుల్ క్లౌడ్ సొల్యూషన్స్ డైరెక్టర్ మైల్స్ వార్డ్ అన్నారు.

ముంబయి, జూన్ 14: దేశీయ స్టాక్ మార్కెట్ల మూడు రోజుల లాభాలకు తెరపడింది. అమెరికా ఫెడరల్ రిజర్వ్ కీలక వడ్డీ రేట్లను పెంచుతూ తీసుకున్న నిర్ణయం గురువారం స్టాక్ మార్కెట్లపై ప్రతికూల ప్రభావం చూపింది. దీంతో పాటు మే నెలలో టోకు ధరల ఆధారిత (డబ్ల్యూపీఐ) ద్రవ్యోల్బణం 14 నెలల గరిష్ఠ స్థాయిలో 4.43 శాతం నమోదు కావడం మార్కెట్ సెంటిమెంట్‌ను మరింత దెబ్బతీసింది.

న్యూఢిల్లీ, జూన్ 14: అంతర్జాతీయంగా చమురు ధరలను హెచ్చుతగ్గులకు తావులేకుండా సమతౌల్యంగా ఉండే విధంగా చమురు ఉత్పత్తి ఎగుమతి దేశాలు (ఒపెక్)దేశాలు అవసరమైన చర్యలు తీసుకోవాలని భారత్ కోరింది. చమురు ధరల నియంత్రణ సరిగాలేకపోవడంపై భారత్ ఆందోళన వ్యక్తం చేసింది. చమురు ధరలపై ఒపెక్ దేశాల రాయబారులతో కేంద్ర చమురు శాఖ మంత్రి ధర్మేంద్ర ప్రదాన్ చర్చించారు.

తడ/వరదయ్యపాళెం, జూన్ 14: నెల్లూరు, చిత్తూరు జిల్లాల సరిహద్దులో ఉన్న శ్రీసిటీ పారిశ్రామిక వాడలో వైండింగ్ వైర్ల తయారీ సంస్థ జి.కె వైండింగ్ లిమిటెడ్ నూతన ఉత్పత్తికేంద్రం నిర్మాణానికి గురువారం శ్రీసిటీలో భూమిపూజ చేశారు. ఈ సంస్థ నోయిడా ప్రధాన కేంద్రంగా 1975వ సంవత్సరంలో స్థాపితమైంది. ఈ సంస్థకు ఉత్తర భారతదేశంలో ఇప్పటికే 3 ఉత్పత్తికేంద్రాలు ఉన్నాయి.