న్యూఢిల్లీ, జూన్ 12: ఎయిర్ ఇండియాను ఏ విధంగానైనా వదిలించుకునేందుకు కేంద్రం కసరత్తును తీవ్రంగా చేసంది. ఈ సారి వంద శాతం వాటాలను అమ్మేయాలనుకుంటోంది. గతంలో 76 శాతం వాటాలను అమ్మేస్తామనుకుంది. కాని ఎయిర్ ఇండియాను కొనుగోలు చేసేందుకు ఒక్క బిడ్డర్ కూడా ముందుకు రాలేదు. ఎయిర్ ఇండియాను ప్రైవేటీకరించేందుకు వీలుగా నిర్దేశించిన మార్గదర్శకాల్లో మార్పులు తేనున్నారు.

న్యూఢిల్లీ, జూన్ 11: పంజాబ్ నేషనల్ బ్యాంకు రూ.13వేల కోట్ల కుంభకోణంతో సంబంధమున్న నీరవ్ మోదీకోసం రెడ్ కార్నర్ నోటీసు జారీ చేయాలని, సీబీఐ ఇంటర్‌పోల్‌ను కోరింది. పంజాబ్ నేషనల్ బ్యాంకు సీబీఐకు ఫిర్యాదు చేయడానికి ముందే నీరవ్ మోదీ విదేశాలకు పారిపోయారు. స్విట్జర్లాండ్‌లో ప్రధాని నరేంద్ర మోదీతో కలిసి గ్రూప్ ఫోటోలో ఉన్న భారతీయ కార్పొరేట్ దిగ్గజాలతోపాటు నీరవ్ మోదీ కూడా ఉన్నారు.

ముంబయి, జూన్ 11: అంతర్జాతీయ పరిణామాలు, ఇతర అంశాలు సోమవారం భారత స్టాక్ మార్కెట్ లావాదేవీలపై మిశ్రమ ప్రభావం కనబరిచాయి. వీటి ఫలితంగా వివిధ దశల్లో ఊగిసలాడిన మార్కెట్లు స్వల్ప లాభంతో ముగిశాయి. ఒకపక్క జీ-7 పారిశ్రామిక దేశాల శిఖరాగ్ర సదస్సు, మరోవైపు అమెరికా-ఉత్తర కొరియా శిఖరాగ్ర భేటీ నేపథ్యంలో అంతర్జాతీయ మార్కెట్లు కూడా ఊగిసలాడాయి.

ముంబయి: దేశీయ సూచీలు స్వల్ప లాభాలతో ముగిశాయి. సెన్సెక్స్‌ 39.80పాయింట్లు లాభ పడగా.. నిఫ్టీ 19.30 పాయింట్లు లాభపడింది. మార్కెట్‌ ముగిసే సమయానికి సెన్స్‌క్స్‌ 39.80 పాయింట్లు లాభపడి 35,483.47వద్ద స్థిరపడింది. అటు నిఫ్టీ 19.30పాయింట్లు లాభపడి 10,786.95వద్ద ముగిసింది.