ముంబయి, మే 3: కారుబొగ్గు (పెట్ కోక్), బొగ్గు, డీజిల్ ధరలు పెరగడం వల్ల సమీప భవిష్యత్తులో సిమెంట్ కంపెనీల లాభాలపై ఒత్తిడి పెరిగే అవకాశం ఉందని, వాటి రుణాలపైనా ప్రభావం చూపనుందని రేటింగ్ ఏజెన్సీ ఇక్రా తన నివేదికలో పేర్కొంది.

న్యూ ఢిల్లీ, మే 3: రానున్న రోజుల్లో వడ్డీ రేట్లు పెరగకపోవచ్చు. ఈ మేరకు కేంద్ర ఆర్థిక మంత్రిత్వ శాఖ సంకేతాలు ఇచ్చింది. కాగా జూన్ నెలలో ప్రకటించే ద్రవ్య విధానంలో రెపోరేట్‌ను పెరిగే అవకాశాలు లేకపోలేదని రిజర్వు బ్యాంక్ ఆఫ్ ఇండియా డిప్యూటీ గవర్నర్ విరాల్ ఆచార్య ఇటీవల సూత్రప్రాయంగా వెల్లడించారు. ఈ నేపథ్యంలో కేంద్ర ఆర్థిక శాఖ చేసిన ప్రకటన ప్రాధాన్యత సంతరించుకుంది. ఇప్పటికే వడ్డీ రేట్లు పెరిగాయి.

విజయవాడ, మే 3: నూతన ఆవిష్కరణలకు, సాంకేతికతకు ఆంధ్రప్రదేశ్‌ను ప్రయోగశాలగా ఎంపిక చేసుకోవచ్చునని గూగుల్ ఇండియా వైస్ ప్రెసిడెంట్ రాజన్ ఆనంద్‌కు ముఖ్యమంత్రి చంద్రబాబు నాయుడు సూచించారు. వెలగపూడి సచివాలయంలో సీఎంను గురువారం రాజన్ కలిశారు. ఈ సందర్భంగా సీఎం తమ పాలనలోను, భద్రతా చర్యలలోనూ వినియోగిస్తున్న సాంకేతికతను గూర్చి వివరించారు.

ముంబయి, మే 3: కర్ణాటక ఎన్నికలు, వృద్ధి రేటు పెరుగుదల నేపథ్యంలో ఆర్థిక వ్యవస్థలోకి కరెన్సీ, నోట్లరద్దుకు పూర్వపు స్థాయికి చేరుకుంటోందని, ఒక నివేదిక వెల్లడించింది. ‘కర్ణాటకలో జరుగుతున్న ఎన్నికలు, నామమాత్ర కార్యకలాపాల వల్ల నగదుకు డిమాండ్ కు బహుశా కారంణం కావచ్చు’ అని జపాన్‌కు చెందిన బ్రోకరేజ్ సంస్థ నోమురా వెల్లడించింది.