సత్తుపల్లి, ఏప్రిల్ 1: తెలంగాణ రాష్ట్రం ఖమ్మం జిల్లా సత్తుపల్లిలోని జలగం వెంగళరావు (జేవీఆర్) ఓపెన్‌కాస్ట్ బొగ్గుగని 2017-18 సంవత్సరానికి గాను సింగరేణి చరిత్రలోనే అత్యధిక ఉత్పత్తి లక్ష్యాన్ని సాధించిందని కొత్తగూడెం ఏరియా జనరల్ మేనేజర్ కేవీ రమణమూర్తి తెలిపారు. 2017-18 సంవత్సరానికి నిర్దేశించిన 55లక్షల టన్నుల బొగ్గు ఉత్పత్తి లక్ష్యానికి గాను ఈ గని 57.98 లక్షల టన్నులు సాధించిందన్నారు.

వరంగల్, మార్చి 31: శ్రీలంక ఎయిర్‌లైన్స్‌కు వరంగల్‌లో అనూహ్యమైన స్పందన ఉందని శ్రీలంక ఎయిర్‌లైన్ తెలుగు రాష్ట్రాల మేనేజర్ చమ్మిక ఇడ్డగాడేజ్ అన్నారు. శనివారం వరంగల్ మార్కెట్‌పై సర్వే చేయడానికి ఇక్కడికి వచ్చిన సందర్బంగా ప్రత్యేకంగా ‘ఆంధ్రభూమి’తో మాట్లాడారు. తెలంగాణ, ఆంధ్రప్రదేశ్ రాష్ట్రాలలో తమ ఎయిర్‌లైన్ మెరుగైన సేవలు అందిస్తుందని అన్నారు.

విజయవాడ, మార్చి 31: దశాబ్దకాలం పైగా నష్టాల ఊబిలో చిక్కుకుని సతమతమవుతున్న ఏపీఎస్‌ఆర్టీసీని నష్టాలు లేని సంస్థగా మార్చేందుకు సిబ్బంది సహకారంతో అనేక రకాలుగా ప్రయత్నాలు చేశానని రాష్ట్ర డీజీపీ డాక్టర్ ఎం.మాలకొండయ్య అన్నారు. ఏది ఏమైనా ప్రస్తుత ఎండీ సురేంద్రబాబు తన కంటే సమర్థుడని అన్నారు.

న్యూఢిల్లీ, మార్చి 31: ఈ వారంలో విలువయిన లోహాలు బంగారం, వెండి ధరలు పడిపోయాయి. సెలవుల వల్ల కుదించబడిన ఈ వారం బులియన్ మార్కెట్‌లో అధిక ధరల వద్ద మదుపరుల నుంచి ఆదరణ లభించకపోవడంతో పాటు నగల వ్యాపారులు, రిటెయిలర్ల నుంచి కూడా డిమాండ్ లేకపోవడంతో బంగారం, వెండి ధరలు పడిపోయాయి. బలహీనంగా ఉన్న ప్రపంచ మార్కెట్ల ప్రభావం కూడా దేశీయ బులియన్ మార్కెట్‌పై పడిందని మార్కెట్ వర్గాలు తెలిపాయి.