ముంబయి, మార్చి 14: లోహ, వాహన రంగాల షేర్లు అమ్మకాల ఒత్తిడికి గురికావడంతో బుధవారం దేశీయ స్టాక్ మార్కెట్ కీలక సూచీలు స్వల్పంగా పతనమయ్యాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 21 పాయింట్లు పడిపోయి, 33,835.74 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 15.95 పాయింట్లు దిగజారి, 10,410.90 పాయింట్ల వద్ద స్థిరపడింది.

న్యూఢిల్లీ, మార్చి 14: ప్రభుత్వం రానున్న సంవత్సరాలలో ‘మేక్ ఇన్ ఇండియా’ కార్యక్రమాన్ని విమానాలు, డ్రోన్లకు కూడా వర్తింప చేయనుందని కేంద్ర పౌర విమానయాన శాఖ మంత్రి సురేశ్ ప్రభు బుధవారం తెలిపారు. ప్రభుత్వం ఇంకెంత మాత్రం విమానాలు, డ్రోన్లు అన్నింటికి దిగుమతులపై ఆధారపడబోదన్నారు. వచ్చే కొనే్నళ్లలో దేశానికి 1,300 విమానాల అవసరం ఉందని ఆయన పేర్కొన్నారు.

న్యూఢిల్లీ, మార్చి 13: నోట్ల రద్దు, నగదు రహిత లావాదేవీల వల్ల దేశంలో డిజిటల్ చెల్లింపులు మరింత ఊపందుకున్నాయి. ఇదే పోకడ కొనసాగితే 2025 నాటికి దేశంలో వార్షిక డిజిటల్ లావాదేవీలు ఒక ట్రిలియన్ డాలర్ల స్థాయికి చేరగలవని ఒక నివేదిక అంచనా వేసింది. ఎసిఐ వరల్డ్‌వైడ్, ఎజిఎస్ ట్రాన్సాక్ట్ టెక్నాలజీలు సంయుక్తంగా రూపొందించిన ఈనివేదిక ప్రకారం 2025 నాటికి ప్రతి 5 లావాదేవీల్లో 4 డిజిటల్‌కు సంబంధించినవే ఉంటా యి.

న్యూఢిల్లీ, మార్చి 13: 2016-17 ఆర్థిక సంవత్సరంలో ఇండియన్ ఆయిల్, కోల్ ఇండియా, ఓఎన్‌జీసీలు అత్యధిక లాభాలను నమోదు చేయగా, బీఎస్‌ఎన్‌ఎల్, ఎయిర్ ఇండియా, ఎంటిఎన్‌ఎల్‌లు పీకల్లోతు నష్టాల్లో కూరుకుపోయాయని కేంద్ర ప్రభుత్వం నిర్వహించిన సర్వే స్పష్టం చేసింది.