విశాఖపట్నం, జనవరి 24: వచ్చేనెల 23 నుంచి మూడు రోజులపాటు జరిగే అంతర్జాతీయ భాగస్వామ్య సదస్సుకు స్మార్ట్‌సిటీ విశాఖ మరోసారి వేదిక కానుంది. సదస్సుకు నగరంలోని ఏపీఐఐసీ గ్రౌండ్ సిద్ధమవుతోంది. సదస్సుకు ప్రపంచంలో ఉండే 40 దేశాలకు చెందిన ఐదు వేలమందికి పైగా ప్రతినిధులు హాజరుకానున్నారు. ఆయా దేశాలకు చెందిన ప్రతినిధులు కోరిన వౌలిక వసతులు ఏపీలో కోరినచోట కల్పించేందుకు ఈ సదస్సులో కీలకమైన చర్చ జరగనుంది.

న్యూఢిల్లీ, జనవరి 24: అతిసార వ్యాధిని అరికట్టేందుకు భారత్ బయోటెక్ సంస్థ రూపొందించిన ‘రోటావాక్’ టీకాకు ప్రపంచ ఆరోగ్య సంస్థ(డబ్ల్యూహెచ్‌ఓ) నుంచి ఫ్రి క్వాలిఫికేషన్ గుర్తింపు లభించింది. ఈ మేరకు భారత్ బయోటెక్ ప్రతినిధులు బుధవారం ఢిల్లీలో విలేఖరులతో మాట్లాడారు. సంస్థ సీఎండీ కృష్ణా ఎల్లా మాట్లాడుతూ ప్రపంచ ఆరోగ్య సంస్థ అర్హత పొందిన భారత కంపెనీ తమదేనని వెల్లడించారు.

న్యూయార్క్, జనవరి 23: కార్మిక చట్టాలు, భూసేకరణ వంటి రంగాల్లో సంస్కరణలు చేపడితే, పది శాతం వృద్ధిరేటును సాధించడం భారత్‌కు అసాధ్యమేమీ కాదని నీతి ఆయోగ్ మాజీ ఉపాధ్యక్షుడు అరవింద్ పనగరియా అన్నారు. ప్రధాని నరేంద్ర మోదీ మొదటి మూడేళ్ల పాలనలో ఆర్థిక వృద్ధిరేటు 7.5 శాతానికి చేరుకుందని ఆయన గుర్తుచేశారు.

అమరావతి, జనవరి 23: దశాబ్దాలుగా నీరు లేక నిస్తేజమైన రాయలసీమ నేడు జలవనరులతో కళకళలాడుతోందని, ముఖ్యమంత్రి చంద్రబాబు నాయుడు నాయకత్వంలో అధికారంలోకి వచ్చిన నవ్యాంధ్రప్రదేశ్ ప్రభుత్వం రాయలసీమ రూపురేఖలు మార్చి పారిశ్రామికాభివృద్ధికి బాటవేసిందని ఆంధ్రప్రదేశ్ ఐటీ, పంచాయతీరాజ్, గ్రామీణాభివృద్ధి శాఖ మంత్రి నారా లోకేష్ స్పష్టం చేశారు.