విజయవాడ, జనవరి 23: ఏబీబీ అధ్యక్షుడు చున్యున్ గుతో ముఖ్యమంత్రి చంద్రబాబు దావోస్‌లో సమావేశమయ్యారు.
సౌర, పవన, హైబ్రిడ్ విద్యుత్ రంగాల్లో ఏపీ అనుసరిస్తున్న నూతన విధానాలను, అమరావతిలో కాలుష్య రహిత విద్యుత్ వాహనాలకు ఇస్తున్న ప్రాధాన్యతను ముఖ్యమంత్రి ఆయనకు వివరించారు.

విజయవాడ, జనవరి 23: గ్లోబల్ ఫార్మా కంపెనీ రోషే ప్రతినిధి క్రిస్టోఫె ఫ్రాంజ్‌తో ముఖ్యమంత్రి చంద్రబాబునాయుడు దావోస్‌లో భేటీ అయ్యారు. ఈ సందర్భంగా భారత్‌లో దీర్ఘకాలంగా తమ కార్యకలాపాలు సాగిస్తోందని అయితే తమ కార్యకలాపాలను మరింత విస్తరించదల్చామని రోషే ముఖ్యమంత్రికి వివరించారు. ప్రస్తుతం తాము అత్యున్నత ఎలక్ట్రానిక్ మెడికల్ హెల్త్ రికార్డుల తయారీపై అధ్యయనం చేస్తున్నామని ముఖ్యమంత్రికి వివరించారు.

విజయవాడ, జనవరి 23: అమరావతిలో ఫ్యూచరిస్టిక్ క్యాంపస్ ఏర్పాటు చేయనున్నట్లు ముఖ్యమంత్రి చంద్రబాబు నాయుడుకు ఎస్‌బీఐ చైర్మన్ రజనీష్ కుమార్ తెలిపారు. దావోస్‌లో సీఎంను ఆయన మర్యాదపూర్వకంగా మంగళవారం కలిశారు. ఈ సందర్భంగా కుమార్ మాట్లాడుతూ అమరావతి అభివృద్ధిని నిశితంగా పరిశీలిస్తున్నామని తెలిపారు. రాజధాని నిర్మాణానికి చేస్తున్న కృషిని అభినందించారు.

అమరావతి, జనవరి 23: దావోస్ పర్యటనలో ఉన్న ముఖ్యమంత్రి చంద్రబాబుతో ఏజిల్ లాజిస్టిక్స్ సీఈఓ ద్వైపాక్షిక సమావేశం నిర్వహించారు. ఈ సందర్భంగా సంస్థ సీఈఓ తరక్ సుల్తా అల్ ఎస్సా, డైరక్టర్ ఉగెన్ మెన్ వ్యాపార విస్తరణకు ప్రణాళికలతో ఉన్నామని ముఖ్యమంత్రికి వివరించారు. భారత్‌లో పెట్టుబడులు పెట్టాలని భావిస్తున్నామని, ముఖ్యంగా సాంకేతికంగా ముందున్న ఆంధ్రప్రదేశ్ వైపు దృష్టి సారించామని బాబు దృష్టికి తీసుకువెళ్లారు.