హైదరాబాద్, డిసెంబర్ 13: రాష్ట్రంలో రైతులకు 2017-18 సంవత్సరానికి సంబంధించి 5.87 లక్షల క్వింటాళ్ల విత్తనాన్ని సరఫరా చేయాలని లక్ష్యంగా పెట్టుకున్నామని వ్యవసాయ శాఖ కార్యదర్శి సి. పార్థసారథి తెలిపారు. బుధవారం ఇక్కడి ఫ్యాప్సీ భవనంలో జరిగిన తెలంగాణ స్టేట్ సీడ్స్ డెవలప్‌మెంట్ కార్పోరేషన్ రెండో సర్వసభ్య సమావేశం జరిగింది.

కొత్తగూడెం, డిసెంబర్ 13: భద్రాద్రి కొత్తగూడెం జిల్లా పాల్వంచలో ఏర్పాటు చేయనున్న ఉక్కు పరిశ్రమతో జిల్లా పారిశ్రామికంగా మరింత అభివృద్ధి చెందనుంది. సుమారు రూ 5వేల కోట్ల రూపాయల అంచనా వ్యయంతో 1.5 మిలియన్ టన్నుల సామర్థ్యం కల్గిన ఇంటిగ్రేటెడ్ స్టీల్ ప్లాంట్ ఏర్పాటుకు కేంద్ర ప్రభుత్వం ఇటీవల పచ్చజెండా ఊపటంతో ఉక్కు పరిశ్రమ ఏర్పాటుకు రంగం సిద్దం చేస్తున్నారు.

హిందూపురం, డిసెంబర్ 13: కొరియాకు చెందిన కియా కారు బుధవారం అనంతపురం జిల్లాకు చేరుకుంది. కొరియాలో తయారైన కియా కంపెనీ కారును అనంతపురం జిల్లా హిందూపురం ఆర్టీఏ కార్యాలయంలో బుధవారం రిజిస్ట్రేషన్ చేయించారు. కియా మోటార్స్ ఇండియా లిమిటెడ్ పేరిట సంస్థ ప్రతినిధి వినోద్‌కుమార్ కారును రిజిస్ట్రేషన్ చేయించినట్లు ఆర్టీఏ అధికారులు పేర్కొన్నారు. కియా కారుకు ఏపీ 02 బీపీ 2454 నెంబరు కేటాయించారు.

విజయవాడ, డిసెంబర్ 13: గన్నవరం విమానాశ్రయ విస్తరణ పూర్తయ్యాక, అంతర్జాతీయ విమాన సర్వీసులు ప్రారంభిస్తామని కేంద్ర పౌర విమానాయన శాఖ మంత్రి అశోక్ గజపతిరాజు వెల్లడించారు. విజయవాడలో ఆయన బుధవారం విలేఖరులతో మాట్లాడుతూ విస్తరణ వేగంగా పూర్తి చేసేందుకు చర్యలు తీసుకుంటున్నామన్నారు. ఈ నెల 19 నుంచి గన్నవరం నుంచి ముంబయికి డైరెక్టు విమాన సర్వీసును ప్రారంభిస్తున్నామన్నారు.