న్యూఢిల్లీ, నవంబర్ 18: దేశంలో పెళ్లిళ్ల సీజన్ ప్రారంభం కావడంతో పాటు అంతర్జాతీయంగా సానుకూల పవనాలు వీస్తుండటంతో బంగారానికి గిరాకీ పెరిగింది. దీంతో శనివారం పుత్తడి ధర భారీగా పెరిగింది. గత రెండు రోజుల వ్యవధిలో రూ.175 తగ్గిన 10 గ్రాముల బంగారం ధర శనివారం ఒకే రోజు 325 రూపాయల మేరకు పెరిగి 30,775 రూపాయలకు చేరుకుంది. అలాగే వెండి ధర కూడా పుంజుకుని రూ.41 వేల మార్కును దాటింది.

ముంబయి, నవంబర్ 18: దేశాలకు క్రెడిట్ రేటింగ్‌లు ఇచ్చే విషయంలో అంతర్జాతీయ రేటింగ్ సంస్థ మూడీస్ పాటిస్తున్న పద్ధతులన్నీ తప్పుల తడకగా ఉన్నాయంటూ కొద్ది నెలల క్రితం తీవ్రస్థాయిలో విమర్శించిన మోదీ ప్రభుత్వం, ఇప్పుడు అదే సంస్థ భారత సావరిన్ క్రెడిట్ రేటింగ్‌ను పెంచడం పట్ల సంతోషాన్ని వ్యక్తం చేయడం విడ్డూరంగా ఉందని కేంద్ర ఆర్థిక శాఖ మాజీ మంత్రి పి.చిదంబరం పరిహసించారు.

హైదరాబాద్, నవంబర్ 18: హైదరాబాద్ నుంచి ఢిల్లీకి జజీరా ఎయిర్‌వేస్ సర్వీస్‌ను ప్రారంభించారు. కువైట్‌కు చెందిన జజీరా ఎయిర్‌వేస్ తక్కువ ఖర్చుతో కూడిన నిత్యం తిరిగే విమానాలను ప్రారంభించింది. హైదరాబాద్ నుంచి వచ్చిన స్పందన అనంతరం 2018 మొదట్లో కొచ్చి, ముంబయి, అహ్మదాబాద్‌కు విమాన సర్వీసులు ప్రారంభిస్తామని జజీరా సిఈఓ రోహిత్ రామచంద్రన్ ఈ సందర్భంగా తెలిపారు.
ముగిసిన ‘స్కిల్స్ 2017’

న్యూఢిల్లీ, నవంబర్ 17: అంతర్జాతీయ క్రెడిట్ రేటింగ్ సంస్థ ‘మూడీస్’ 13 ఏళ్ల తర్వాత భారత సావరిన్ క్రెడిట్ రేటింగ్‌ను బీబీఏ-3 నుంచి బీబీఏ-3కి పెంచడం పట్ల కేంద్ర ఆర్థిక శాఖ మంత్రి అరుణ్ జైట్లీ సంతోషాన్ని వ్యక్తం చేశారు. ప్రధాన మంత్రి నరేంద్ర మోదీ నేతృత్వంలోని ఎన్‌డీఏ ప్రభుత్వం చేపట్టిన ముఖ్యమైన ఆర్థిక, సంస్థాగత సంస్కరణలకు లభించిన విశిష్టమైన గుర్తింపుగా ఆయన దీనిని అభివర్ణించారు.