ముంబయి, నవంబర్ 12: దేశ వాణిజ్య రాజధానిగా పేరు పొందిన ముంబయి నగరంలో ఈ వారం ఆసియా బ్యాంకర్ల సంఘం (ఏబీఏ) 34వ వార్షిక సమావేశం జరుగనుంది. ఏబిఎ సమావేశానికి ముంబయి ఆతిథ్యమివ్వనుండటం ఇదే తొలిసారి.

జమ్ము, నవంబర్ 11: వస్తు సేవా పన్ను (జిఎస్టీ) మోదీ ప్రభుత్వ సున్నితత్వానికి నిదర్శనమని, సామాన్యుల ప్రయోజనాలను ఆశించే ఈ కొత్త పన్ను విధానాన్ని ప్రవేశపెట్టామని కేంద్ర మంత్రి జితేంద్ర సింగ్ అన్నారు. గుజరాత్ ఎన్నికల ప్రచారంలో కాంగ్రెస్ ఉపాధ్యక్షుడు రాహుల్ గాంధీ విరివిగా పాల్గొనడాన్ని ఆయన ప్రస్తావిస్తూ, ‘ఆయన ఎంతగా పర్యటిస్తే బిజెపి అంతగా బలపడుతుంది’ అని వ్యాఖ్యానించారు.

హైదరాబాద్, నవంబర్ 11: ప్రవాసీ భారతీయ దివస్ వేడుకల్లో భాగంగా అందించే ప్రఖ్యాత హింద్ రతన్ అవార్డు-2018కు కోదాడకు చెందిన యువ ఎన్‌ఆర్‌ఐ సుధీర్ జలగం ఎన్నికయ్యారు. విదేశాల్లో భారత దేశ ఔన్నత్యాన్ని, గౌరవాన్ని పెంచేందుకు పాటుపడిన ఎన్‌ఆర్‌ఐలకు ఈ అవార్డును అందిస్తారు. ఈ మేరకు ఎన్‌ఆర్‌ఐ వెల్ఫేర్ సొసైటీ ఆఫ్ ఇండియా నుంచి శనివారం సుధీర్ జలగంకు లేఖ అందింది.

న్యూఢిల్లీ, నవంబర్ 11: ఢిల్లీతో పాటు నేషనల్ క్యాపిటల్ రీజియన్‌లో కాలుష్యం ఆందోళనకర స్థాయికి చేరడం పర్యాటక రంగాన్ని దెబ్బతీయడం ఖాయమని అసోచామ్ స్పష్టం చేసింది. సాధారణంగా ప్రతి ఏటా నవంబర్, డిసెంబర్ మాసాల్లో విదేశీ పర్యాటకులు అధిక సంఖ్యలో భారత్‌కు వస్తుంటారు. వీరిలో ఎక్కువ మంది ‘గోల్డెన్ టూరిస్ట్ సర్క్యూట్’గా పేరు పొందిన ఢిల్లీ, ఆగ్రా, జైపూర్‌లను సందర్శిస్తుంటారు.