బెంగళూరు, నవంబర్ 8: పెద్దనోట్లను రద్దు చేసిన నవంబర్ 8వ తేదీని తమ పార్టీ ‘నల్లధనం వ్యతిరేక దినం’గా పాటిస్తుండగా కాంగ్రెస్ మాత్రం ఇందుకు భిన్నంగా వ్యవహరిస్తోందని భాజపా నేత, కేంద్ర మంత్రి ప్రకాశ్ జవదేకర్ విమర్శించారు. నల్లధనాన్ని వ్యవస్థీకృతం చేసేందుకు కాంగ్రెస్ ప్రయత్నిస్తున్నందున దేశంలో రెండు రాజకీయ సంస్కృతుల మధ్య సమరం సాగుతోందని ఆయన బుధవారం ఇక్కడ విలేఖరులతో మాట్లాడుతూ చెప్పారు.

ఇటానగర్, నవంబర్ 8: ‘అవినీతికి పర్యాయపదమైన’ కాంగ్రెస్ పార్టీ స్వాతంత్య్రం వచ్చినప్పటి నుంచీ ప్రజల గురించి ఆలోచించడానికి బదులు- ఈ దేశాన్ని దారుణంగా లూటీ చేసిందని కేంద్ర మంత్రి కిరణ్ రిజిజు తీవ్రస్థాయిలో మండిపడ్డారు. పెద్దనోట్లను రద్దు చేసి ఏడాది పూర్తయిన సందర్భంగా బుధవారం ఇక్కడి గంగామార్కెట్ వద్ద జరిగిన సభలో ఆయన మాట్లాడారు.

ప్రపంచంలోనే నెంబర్ వన్ ఉద్యోగ వెబ్‌సైట్ ‘ఇండీడ్’ వెల్లడించిన తాజా అధ్యయనం నివేదిక ప్రకారం సేవా రంగంలో 75.2 శాతం ఉద్యోగాలలో ఫ్లెక్సిబల్ వర్క్ ఎరేంజ్‌మెంట్స్ ఉన్నట్లు పేర్కొంది. గ్రేటర్ నొయిడా ప్రాంతంలో 93 శాతం ఉద్యోగాలు ఫ్లెక్సిబల్, లేదంటే పార్ట్‌టైం తరహాలో ఉంటున్నాయి. ఉద్యోగాల కల్పనలో సేవారంగమే ముందుందని స్పష్టం చేసింది.

హైదరాబాద్, నవంబర్ 7: తెలంగాణలో పెట్టుబడులు పెట్టడానికి ఆస్ట్రేలి యా పారిశ్రామికవేత్తలు ఆసక్తి వ్యక్తం చేసారు. సచివాలయంలో మంగళవారం ఐటీశాఖ మంత్రి కె తారకరామారావును ఆస్ట్రేలియా కాన్సుల్ జనరల్ షాన్ కెల్లీ, ఇండియా ఏకనామిక్ స్ట్రాటేజీ ప్రాజెక్టు లీడర్ పీటర్ వర్గీస్‌తో కూడిన బృందం కలిసింది. విద్య, వ్యవసాయం, పర్యాటకం వంటి రంగాల్లో కలిసి పని చేసేందుకు సిద్ధంగా ఉన్నామని ఆస్ట్రేలియా బృందం తెలిపింది.