ముంబయి, ఆగస్టు 20: హైదరాబాద్ ఆధారిత ప్రాంతీయ విమానయాన సంస్థ ట్రూజెట్.. విస్తరణ బాట పట్టింది. కేంద్ర ప్రభుత్వం తీసుకొచ్చిన ఉడాన్ పథకంలో భాగంగా మరిన్ని ప్రాంతాలకు విమాన సర్వీసులను ప్రవేశపెడుతోంది. ఈ క్రమంలోనే వచ్చే ఏడాది మార్చికల్లా తమ విమానాల సంఖ్యను ఎనిమిదికి పెంచుకోవాలని చూస్తున్న ట్రూజెట్.. ఈ ఏడాది ఆఖరు నాటికి రోజుకు దాదాపు 50 విమానాలు తిరిగేలా ప్రణాళికలు వేస్తోంది.

గోదావరిఖని, ఆగస్టు 20: సింగరేణి బొగ్గు గని కార్మికులకు పదవ వేతన ఒప్పందంలో అన్యాయం చేయాలని చూస్తే ఊరుకునే ప్రసక్తే లేదని, 4 శాతం స్పెషల్ అలవెన్సుతో కలిపి వేత న ఒప్పందం చెల్లింపులు జరగాలని, లేకుంటే మిగతా జాతీయ సంఘాలను కలుపుకొని దేశవ్యాప్త సమ్మెకు సిద్ధంగా ఉన్నామని ఎఐటియుసి కేంద్ర ప్రధాన కార్యదర్శి వాసిరెడ్డి సీతారామయ్య హెచ్చరించారు.

ముంబయి, ఆగస్టు 19: కొత్త దివాళా చట్టం రుణ గ్రహీతలకు-రుణ దాతలకు మధ్య సత్సంబంధాలను కొనసాగిస్తుందని కేంద్ర ఆర్థిక శాఖ మంత్రి అరుణ్ జైట్లీ అన్నారు. ఎన్‌పిఎ రెజల్యూషన్ (నిరర్థక ఆస్తులు లేదా మొండి బకాయిల తీర్మానం) అనేది అప్పుల్లో కూరుకుపోయిన సంస్థల నగదీకరణకే కాకుండా, సదరు సంస్థల యాజమాన్యాన్ని రక్షిస్తుందని అన్నారు.

న్యూఢిల్లీ, ఆగస్టు 19: వస్తు, సేవల పన్ను (జిఎస్‌టి) రిటర్న్స్ దాఖలు గడువును శనివారం మరో 5 రోజులు పొడిగించింది కేంద్ర ప్రభుత్వం. తీవ్ర రద్దీతో ఏర్పడిన సాంకేతిక సమస్యల కారణంగా జిఎస్‌టిఎన్ పోర్టల్ మొరాయించింది. ఈ క్రమంలోనే ఈ నెల 25 వరకు గడువు తేదీని పొడిగిస్తున్నట్లు కేంద్రం ప్రకటించింది. ఓవర్‌లోడ్‌తో చిన్న సాంకేతిక సమస్య ఎదురైందని జిఎస్‌టిఎన్ చైర్మన్ నవీన్ కుమార్ తెలిపారు.