న్యూఢిల్లీ, జూలై 20: ప్రస్తుత ఆర్థిక సంవత్సరం తొలి త్రైమాసికంలో కార్పొరేట్ దిగ్గజం రిలయెన్స్ ఇండస్ట్రీస్ నికర లాభం 28 శాతం పెరిగి రూ. 9,108 కోట్లకు చేరుకొంది. గత ఏడాది ఇదే సమయంలో కంపెనీ నికర లాభం 7,113 కోట్లు కాగా, అది ఇప్పుడు 28 శాతం పెరిగి రూ. 9,108 కోట్లకు చేరుకొందని రిలయన్స్ ఇండస్ట్రీస్ గురువారం ఒక ప్రకటనలో తెలిపింది.

హైదరాబాద్, జూలై 20: పారిశ్రామిక వేత్తలను ప్రోత్సహించే దిశగా తెలంగాణ ప్రభుత్వం వాణిజ్య సంస్కరణల్లో ఈజ్ ఆఫ్ డూయింగ్ బిజినెస్‌ను వేగవంతం చేసేందుకు సెంట్రల్ ఇన్‌స్పెక్షన్ సిస్టమ్ (కేంద్రియ తనిఖీ వ్యవస్ధ) అమలు చేసేందుకు పలు అంశాలను వివరిస్తూ తెలంగాణ ప్రభుత్వం ఉత్తర్వులు జారీ చేసింది. పరిశ్రమలు, వాణిజ్య మంత్రిత్వ శాఖ పలు ఇతర శాఖలతో సంప్రదించిన అనంతరం ఈ జివో జారీ చేసింది.

న్యూఢిల్లీ, జూలై 20: సూపర్ బైక్‌ల తయారీలో అంతర్జాతీయంగా ఎంతో ఖ్యాతి పొందిన ఇటాలియన్ సంస్థ డుకాటీ శనివారం భారత్‌లో స్క్రాంబ్లర్ డెజర్ట్ స్లెడ్ మోడల్ బైక్‌ను ఆవిష్కరించింది. న్యూఢిల్లీలో ఈ బైక్ ప్రారంభ ధరను రూ.9.32 లక్షలు (ఎక్స్-షోరూమ్)గా నిర్ణయించారు.

ముంబయి, జూలై 20: దేశంలోని ప్రైవేటు రంగ బ్యాంకుల్లో అతిపెద్దదైన ఐసిఐసిఐ బ్యాంకు తమ ఎటిఎంల ద్వారా ఖాతాదారులకు రూ.15 లక్షల వరకు వ్యక్తిగ రుణాలను ఇవ్వనున్నట్లు ప్రకటించింది. గతంలో రుణం కోసం ఎటువంటి దరఖాస్తు చేసుకోకపోయినప్పటికీ ముందుగా ఎంపిక చేసిన కొంత మంది ఖాతాదారులు (వేతనాలు పొందేవారు) ఈ వ్యక్తిగత రుణాలను పొందవచ్చని ఆ బ్యాంకు స్పష్టం చేసింది.