న్యూఢిల్లీ, జూన్ 27: వస్తు, సేవల పన్ను (జిఎస్‌టి) వచ్చే నెల 1 నుంచి అమల్లోకి వస్తున్న క్రమంలో మొదట్లో కొన్ని ఇబ్బందులు ప్రజలకు ఎదురు కావచ్చని కేంద్ర ఆర్థిక శాఖ మంత్రి అరుణ్ జైట్లీ అన్నారు. అయితే తర్వాత జిఎస్‌టి ప్రయోజనకరంగా ఉంటుందని, దీర్ఘకాలంలో లబ్ధి చేకూరగలదన్న ఆశాభావాన్ని వ్యక్తం చేశారు. పన్నుల ఎగవేత, ధరల అదుపు వంటివి జిఎస్‌టితోనే సాధ్యపడగలవన్నారు.

న్యూఢిల్లీ, జూన్ 27: ఇరు దేశాల మధ్య రోడ్డు, సముద్ర, విమానయాన రవాణా పెరిగేలా సహకారమివ్వాలని మయన్మార్‌ను భారత్ కోరింది. భారత్-మయన్మార్ ద్వైపాక్షిక వాణిజ్యం పెంపులో భాగంగా రెండు దేశాల వాణిజ్య మంత్రులు మంగళవారం ఇక్కడ కలుసుకున్నారు. మయన్మార్ వాణిజ్య మంత్రి థన్ మింట్.. భారత వాణిజ్య, పరిశ్రమల శాఖ మంత్రి నిర్మలా సీతారామన్ ఇరువురు ఈ సందర్భంగా వాణిజ్య, పెట్టుబడులపై చర్చించారు.

హైదరాబాద్, జూన్ 27: సహకార సంఘాల్లో సభ్యులు కానివారి నుంచి డిపాజిట్లు తీసుకోవద్దని సహకార సంఘాలకు రిజర్వు బ్యాంక్ సూచించింది. అలాగే సహకార సంఘాల్లో నామమాత్రపు సభ్యులు, అనుబంధ సభ్యుల నుంచి కూడా డిపాజిట్లను స్వీకరించరాదని ఆర్‌బిఐ రీజనల్ డైరక్టర్ ఆర్ సుబ్రమణియన్ తెలిపారు.

విజయవాడ, జూన్ 27: విద్యుత్ ఉపకరణాలపై 28 శాతం వరకు జిఎస్‌టి విధించడంపై సర్వత్రా వ్యతిరేకత వ్యక్తమవుతున్నది. విద్యుత్ పొదుపు కోసం కోట్లాది రూపాయల సబ్సిడీతో ఆంధ్రప్రదేశ్ ప్రభుత్వం ప్రోత్సహిస్తున్న ఎల్‌ఇడి బల్బులపై సైతం అధిక పన్ను విధింపు ఆశ్చర్యం గొలుపుతున్నది. పన్నుల భారం వల్ల ప్రభుత్వాలకు ఆశించిన ఆదాయం రాకపోగా పన్ను ఎగవేతకు..