ముత్తుకూరు, జూన్ 12: కేంద్ర ప్రభుత్వం ప్రతిష్ఠాత్మకంగా చేపడుతున్న సాగరమాల ప్రాజెక్టులో భాగంగా నీతి ఆయోగ్ ప్రతినిధుల బృందం సోమవారం నెల్లూరు జిల్లా కృష్ణపట్నం పోర్టు పరిసర ప్రాంతాన్ని ఏరియల్ వ్యూ ద్వారా పరిశీలించింది. అనంతరం పోర్టు ఆవరణలో పర్యావరణ పరిరక్షణ కోసం మొక్కలు నాటారు.

న్యూఢిల్లీ, జూన్ 11: స్థూల ఆర్థిక గణాంకాలు, ఫెడరల్ రిజర్వ్ ద్రవ్యసమీక్ష ఈ వారం దేశీయ స్టాక్ మార్కెట్ల ట్రేడింగ్‌ను ప్రభావితం చేస్తాయని నిపుణులు అంచనా వేస్తున్నారు. వర్ష సమాచారం, వస్తు, సేవల పన్ను (జిఎస్‌టి) నిర్ణయాలూ కీలకమేనని పేర్కొంటున్నారు. వచ్చే నెల 1 నుంచి జిఎస్‌టి అమల్లోకి వస్తున్నది తెలిసిందే.

అనంతపురం, జూన్ 11: ప్రధాన మంత్రి నరేంద్ర మోదీ నేతృత్వంలో దేశాన్ని అన్ని రంగాల్లో అభివృద్ధి చేసి ప్రపంచంలోనే అగ్రగామిగా నిలుపుతామని కేంద్ర ఆరోగ్య, కుటుంబ సంక్షేమ శాఖ సహాయ మంత్రి జెపి నడ్డా తెలిపారు. వేరుశనగ పంటను ఫసల్ బీమా యోజన పథకంలో చేర్చేందుకు కేంద్రం ఆలోచిస్తోందన్నారు. వచ్చే ఏడాదిలో దేశంలో ప్రతి గ్రామానికి విద్యుత్ సౌకర్యం కల్పించి వంద శాతం కరెంటు గల దేశంగా తీర్చిదిద్దుతామన్నారు.

న్యూఢిల్లీ, జూన్ 11: వస్తు, సేవల పన్ను (జిఎస్‌టి)లో తెలంగాణ ప్రభుత్వం చేపట్టిన మిషన్ భగీరథ, కాకతీయ నీటి ప్రాజెక్టుల కాంట్రాక్టులకు పన్ను మినహాయింపులు ఇచ్చేందుకు కేంద్రం సానుకులంగా లేదని తెలంగాణ రాష్ట్ర ఆర్థిక శాఖ మంత్రి ఈటల రాజేందర్ వెల్లడించారు. ఆదివారం కేంద్ర ఆర్థిక శాఖ మంత్రి అరుణ్ జైట్లీ నేతృత్వంలో జరిగిన జిఎస్‌టి సమావేశం ఢిల్లీలోని విజ్ఞాన్‌భవన్‌లో జరిగింది. ఈ సమావేశానికి ఈటల హాజరైయ్యారు.