న్యూఢిల్లీ, మే 1: దేశీయ ద్విచక్ర వాహన తయారీ దిగ్గజం హీరో మోటోకార్ప్.. ధరలను పెంచింది. వివిధ రకాల మోడళ్లపై కనిష్టంగా 500 రూపాయల నుంచి గరిష్ఠంగా 2,200 రూపాయల వరకు పెంపును ప్రకటించింది. పెరిగిన ఉత్పాదక వ్యయం వల్ల ధరలను పెంచక తప్పట్లేదని సోమవారం హీరో మోటోకార్ప్ తెలిపింది. పెరిగిన ధరలు సోమవారం నుంచే అమల్లోకి వస్తాయని స్పష్టం చేసింది.

రాజమహేంద్రవరం, మే 1: వర్జీనియా పొగాకు రైతులు అధిక ధర కోసం ఎదురు చూస్తుండటంతో కొద్ది రోజుల క్రితం ప్రారంభమైన వేలం ప్రక్రియ మందగమనంలో సాగుతోంది. ప్రస్తుతం ధర ఆశాజనకంగానే ఉన్నప్పటికీ రానున్న రోజుల్లో మరింత లభిస్తుందనే ఆలోచనతోనే రైతులు వేలానికి బేళ్లను తక్కువ సంఖ్యలో తీసుకువస్తున్నారని తెలుస్తోంది. ఈ నేపథ్యంలోనే వేలం ప్రక్రియ మందగమనంలో సాగుతోందని అంచనా వేస్తున్నారు.

న్యూఢిల్లీ, ఏప్రిల్ 30: సాఫ్ట్‌బ్యాంక్ సారథ్యంలోని ఓలా క్యాబ్స్.. 2015-16 ఆర్థిక సంవత్సరంలో 2,311 కోట్ల రూపాయలకుపైగా నష్టాలను చవిచూసింది. అంటే రోజుకు 6 కోట్ల రూపాయలకుపైగా నష్టం వాటిల్లిందన్నమాట. ప్రకటనలకు భారీగా ఖర్చు చేయడం, ఇతరత్రా వ్యయం పెరిగిపోవడం, పరిమితికి మించిన ఉద్యోగుల వేతన భారం ఇంతటి నష్టాలకు దారితీసింది.

న్యూఢిల్లీ, ఏప్రిల్ 30: ప్రభుత్వరంగ బ్యాంకులు ఏకీకృతమవుతున్నాయి. ఇప్పటికే స్టేట్ బ్యాంక్ ఆఫ్ ఇండియా (ఎస్‌బిఐ)లో ఆరు బ్యాంకులు విలీనమైనది తెలిసిందే. ఈ క్రమంలో మరిన్ని బ్యాంకులు కూడా ఒక్కటయ్యే అవకాశాలు కనిపిస్తున్నాయి. మొండి బకాయిల సమస్య తీవ్రతరమవుతున్న నేపథ్యంలో బ్యాంకుల ఏకీకరణ ఒక్కటే పరిష్కారమని కేంద్ర ప్రభుత్వం భావిస్తోంది.