న్యూఢిల్లీ, ఏప్రిల్ 11: రిలయన్స్ జియో మంగళవారం మరో సరికొత్త ప్లాన్‌ను వినియోగదారులకు ప్రకటించింది. తమ ప్రైమ్ సభ్యులకు 309 రూపాయలకే 3 నెలలపాటు రోజుకు 1జిబి డేటాను 4జి వేగంతో అందిస్తామని తెలిపింది. అలాగే 509 రూపాయలకు 3 నెలలపాటు రోజుకు 2జిబి డేటాను 4జి వేగంతో ఇస్తామని చెప్పింది. ఈ రెండు ఆఫర్లు కూడా దేశీయంగా అపరిమిత ఎస్‌ఎమ్‌ఎస్, కాలింగ్ సదుపాయాలున్నవేనని స్పష్టం చేసింది.

న్యూఢిల్లీ, ఏప్రిల్ 11: ఎండాకాలం వచ్చేసింది. ఆరంభంలోనే అదిరిపోయే ఎండలు కొడుతున్నాయి. మరో రెండు నెలలు ఎండలను తట్టుకునేదెలా?.. అంటూ ఎయిర్ కూలర్ల షాపులకేసి పరుగులు పెడుతున్నారు జనం. అయితే నిరుడు చల్లగాలి వస్తే సరిపోతుందిలే అని ఆలోచించిన కస్టమర్లు.. ఈ ఏడాది మాత్రం ఇంకా ఏయే సౌకర్యాలున్నాయో అని ఆరా తీస్తున్నారు. ఆయా సంస్థలు సైతం తమ కూలర్లను మరిన్ని ఫీచర్లతో మార్కెట్‌లోకి తెస్తున్నాయి.

హైదరాబాద్, ఏప్రిల్ 11: ఆంధ్రప్రదేశ్, తెలంగాణ రాష్ట్రాల్లో 400 కోట్ల రూపాయలతో ప్రభుత్వరంగ టెలికామ్ సంస్థ బిఎస్‌ఎన్‌ఎల్‌ను ఆధునీకరించేందుకు చర్యలు తీసుకుంటున్నట్లు సంస్థ తెలంగాణ టెలికామ్ సర్కిల్ చీఫ్ జిఎం ఎల్ అనంతరామ్ మంగళవారం తెలిపారు. ఉమ్మడి ఏపి సర్కిల్‌లో గత ఆర్థిక సంవత్సరం (2016-17)లో మొత్తం 2,526.18 కోట్ల రూపాయల ఆదాయాన్ని సాధించినట్లు ఆయన చెప్పారు.

ముంబయి, ఏప్రిల్ 11: వ్యవసాయ రుణాల మాఫీ సరైనది కాదని వ్యవసాయ, గ్రామీణాభివృద్ధి జాతీయ బ్యాంకైన నాబార్డు వ్యాఖ్యానించింది. గతంలో రిజర్వ్ బ్యాంక్ ఆఫ్ ఇండియా (ఆర్‌బిఐ) కూడా ఇదే అభిప్రాయాన్ని వ్యక్తం చేసినది తెలిసిందే. రుణాల రద్దు వల్ల నిజాయితీగా డబ్బులు చెల్లించేవారు కూడా చెల్లించరంది.