హైదరాబాద్, ఫిబ్రవరి 24: వంద రోజుల్లో 100 కోట్ల రూపాయల రుణాలను లక్ష్యంగా పెట్టుకుంది ఆక్సీలోన్స్. వచ్చే నెల 1 నుంచి జూన్ 8 వరకు 100 కోట్ల రూపాయలను పంపిణీ చేయడానికి వీలుగా శుక్రవారం ఇక్కడ ‘ఆక్సీలోన్ ఛాలెంజ్’ ప్రారంభించింది. గత 15 రోజుల్లో 250 కోట్ల రూపాయల విలువైన 270 రుణ దరఖాస్తులను అందుకున్నామని విలేఖరులతో సంస్థ వ్యవస్థాపక సిఇఒ రాధాకృష్ణ టి తెలిపారు.

న్యూఢిల్లీ, ఫిబ్రవరి 24: అంబుజా సిమెంట్ ఏకీకృత నికర లాభం నిరుడు అక్టోబర్-డిసెంబర్‌లో గతంతో పోల్చితే 85.24 శాతం ఎగిసి 205.70 కోట్ల రూపాయలుగా నమోదైంది. అంతకుముందు ఏడాది ఇది 111.04 కోట్ల రూపాయలుగా ఉంది. ఆదాయం 2016 చివరి త్రైమాసికంలో 4,93 6.20 కోట్ల రూపాయలుగా, 2015 ఆఖరు త్రైమాసికంలో 2,384.84 కోట్ల రూపాయలుగా ఉందని సంస్థ తెలియజేసింది.

న్యూఢిల్లీ, ఫిబ్రవరి 23: టాటా సన్స్ సంస్థ అధిపతి ఎన్.చంద్రశేఖరన్ ఇండియన్ హోటల్స్ కంపెనీ లిమిటెడ్ (ఐహెచ్‌సిఎల్) డైరెక్టర్ల బోర్డు చైర్మన్‌గా ఎన్నికయ్యారు. టాటా గ్రూపులోని ఆతిథ్య రంగ సంస్థ అయిన ఐహెచ్‌సిఎల్ గురువారం ఈ విషయాన్ని వెల్లడించింది. ఈ ఏడాది జనవరి 27వ తేదీన తొలిసారి తమ బోర్డు సభ్యుడిగా నియమితుడైన చంద్రశేఖరన్ అనతి కాలంలోనే చైర్మన్‌గా ఎన్నికవడం విశేషం.

న్యూఢిల్లీ, ఫిబ్రవరి 23: దేశంలోని ప్రధాన టెలికామ్ ఆపరేటర్లలో ఒకటైన భారతీ ఎయిర్‌టెల్ తన ఏడు సర్కిళ్లలో టెలినార్ ఇండియా వ్యాపారాన్ని కొనుగోలు చేయనుంది. ఇందుకు సంబంధించి టెలినార్ సౌత్ ఏషియా ఇనె్వస్ట్‌మెంట్స్ ప్రైవేట్ లిమిటెడ్‌తో ఒప్పందాన్ని కుదుర్చుకున్నట్లు భారతీ ఎయిర్‌టెల్ గురువారం వెల్లడించింది. అయితే ఈ కొనుగోలు ఒప్పందం విలువ ఎంతన్నదీ ఇటు ఎయిర్‌టెల్ గానీ, అటు టెలినార్ సంస్థ గానీ వెల్లడించలేదు.