హైదరాబాద్, ఫిబ్రవరి 7: సౌర విద్యుత్‌పై అసోచామ్ సంస్థ బుధవారం ఇక్కడ సదస్సును నిర్వహిస్తున్నట్లు ప్రకటించింది. ఈ సదస్సులో విద్యుత్ శాఖ మంత్రి జి జగదీశ్ రెడ్డి, టిస్‌ఇఆర్‌సి చైర్మన్ ఇస్మాయిల్ అలీఖాన్, ఇంధన శాఖ ప్రత్యేక ప్రధాన కార్యదర్శి అజయ్ మిశ్రా, అసోచామ్ సభ్యులు కిషోర్ నాయర్, ఎఫ్ ట్యా ప్సీ అధ్యక్షుడు రవీంద్రమోదీ, అసోచామ్ తెలంగాణ విభాగం చైర్మన్ బాడిగ శ్రీకాంత్ పాల్గొంటారు.

ముంబయి, ఫిబ్రవరి 6: ఉద్వాసనకు గురైన టాటా సన్స్ చైర్మన్ సైరస్ మిస్ర్తి.. ఆ సంస్థ డైరెక్టర్ పదవినీ కోల్పోయారు. సోమవారం ఇక్కడ నిర్వహించిన టాటా సన్స్ అసాధారణ సర్వసభ్య సమావేశంలో సంస్థ భాగస్వాములు మిస్ర్తి తొలగింపునకు మద్దతుగా ఓటేశారు. ‘ఈరోజు నిర్వహించిన అసాధారణ సర్వసభ్య సమావేశంలో టాటా సన్స్ లిమిటెడ్ భాగస్వాములు.. టాటా సన్స్ లిమిటెడ్ డైరెక్టర్‌గా సైరస్ మీస్ర్తిని తొలగించాలని తీర్మానించారు.

న్యూఢిల్లీ, ఫిబ్రవరి 6: నగదు రహిత లావాదేవీలకు గొప్ప ప్రోత్సాహాన్నిస్తూ ఆధార్ ఆధారిత లావాదేవీలు, క్రెడిట్, డెబిట్ కార్డుల ద్వారా పిఒఎస్ మెషీన్లపై చెల్లింపులను దేశంలోని అన్ని ప్రజా పంపిణీ వ్యవస్థ (పిడిఎస్)ల్లో అనుమతించాలని కేంద్రం భావిస్తోంది. ఎరువుల డిపోల్లోనూ ఈ తరహా లావాదేవీలు జరపాలని యోచిస్తోంది. ఆర్థిక కార్యదర్శి అశోక్ లావస పిటిఐకిచ్చిన ఇంటర్వ్యూలో ఈ మేరకు తెలిపారు.

ముంబయి, ఫిబ్రవరి 6: జీవిత బీమా సంస్థ (ఎల్‌ఐసి)లో ఏజంట్లు పెద్ద ఎత్తున మానివేస్తుండడంతో దీనికి అడ్డుకట్ట వేయడంతోపాటుగా వారు మరింత ఎక్కువ వ్యాపారం చేసేలా చూడడం కోసం ఆ సంస్థ దేశవ్యాప్తంగా ఉన్న పది లక్షలకుపైగా ఏజంట్లకు చెల్లించే గ్రాట్యుటీని 3 లక్షల రూపాయలకు పెంచింది.