హైదరాబాద్, ఫిబ్రవరి 4: ‘మా రాష్ట్రంలో పరిశ్రమల స్థాపనకు పెట్టుబడులు పెట్టండి..’ అని తెలంగాణ రాష్ట్ర పరిశ్రమల, వౌలిక సదుపాయాల సంస్థ (టిఎస్‌ఐఐసి) చైర్మన్ గ్యాదరి బాలమల్లు హర్యానా, రాజస్థాన్ రాష్ట్రాల పారిశ్రామికవేత్తలకు పిలుపునిచ్చారు. బాల మల్లు నేతృత్వంలో శనివారం తెలంగాణ పారిశ్రామికవేత్తల సమాఖ్య (టిఐఎఫ్) ప్రతినిధుల బృందం హర్యానా, రాజస్థాన్‌లో పర్యటించింది.

న్యూఢిల్లీ, ఫిబ్రవరి 4: ఈ ఆర్థిక సంవత్సరం (2016-17) ముగియడానికి రెండు నెలల సమయం కూడా లేనప్పటికీ, ప్రభుత్వరంగ సంస్థల్లో పెట్టుబడుల ఉపసంహరణ ద్వారా 45,000 కోట్ల రూపాయల నిధులను అందుకోగలమన్న విశ్వాసాన్ని కేంద్ర ఆర్థిక శాఖ మంత్రి అరుణ్ జైట్లీ వ్యక్తం చేశారు. ఇప్పటిదాకా ప్రస్తుత ఆర్థిక సంవత్సరంలో ప్రభుత్వరంగ సంస్థల వాటాల అమ్మకం ద్వారా వచ్చిన ఆదాయం దాదాపు 30,000 కోట్ల రూపాయలుగానే ఉంది.

న్యూఢిల్లీ/బెంగళూరు, ఫిబ్రవరి 3: భారతీయ ఐటి రంగాన్ని హెచ్-1బి వీసాలు కుదిపేస్తున్న నేపథ్యంలో అసలు వాటిపై ఆధారపడటాన్ని తగ్గించుకోవాలని ఇన్ఫోసిస్ సహవ్యవస్థాపకుడు, దాని మాజీ చైర్మన్ ఎన్‌ఆర్ నారాయణ మూర్తి అన్నారు. భారతీయ ఐటి సంస్థల ఆదాయంలో విదేశాల నుంచి వచ్చేదే ఎక్కువ. అందులో అమెరికాది అగ్రభాగం. ప్రపంచ ఐటి రంగాన్ని శాసిస్తున్న భారతీయ ఐటి సంస్థల చేతిలోనే అగ్రరాజ్య ఐటి ప్రాజెక్టులూ ఉన్నాయి.

ముంబయి, ఫిబ్రవరి 3: నగదు రహిత లావాదేవీలను ప్రోత్సహించేలా, నగదు లావాదేవీలపై దేశీయ ప్రైవేట్‌రంగ బ్యాంకింగ్ దిగ్గజం హెచ్‌డిఎఫ్‌సి బ్యాంక్.. చార్జీలను పెంచింది. నగదు లావాదేవీల్లో సేవింగ్స్ ఖాతాదారుల ప్రమేయం ఎక్కువగా ఉండటంతో వారి ఖాతాల ఫీజులను పెంచుతూ నిర్ణయం తీసుకుంది. అలాగే థర్డ్-పార్టీ లావాదేవీల పరిమితిని రోజుకు 25,000 రూపాయలు చేసింది.