ముంబయి, డిసెంబర్ 16: దేశంలో విదేశీ మారకద్రవ్య నిల్వలు వరుసగా మరోసారి తగ్గాయి. ఈ నెల 9వ తేదీతో ముగిసిన వారంలో ఈ నిల్వలు 887.2 మిలియన్ డాలర్లు తగ్గి 362.987 బిలియన్ డాలర్లకు పతనమయ్యాయని, విదేశ కరెన్సీ ఆస్తులు తగ్గడమే ఇందుకు కారణమని రిజర్వు బ్యాంకు శుక్రవారం వెల్లడించింది. అంతకుముందు వారంలో విదేశీ మారకద్రవ్య నిల్వలు 1.431 బిలియన్ డాలర్లు తగ్గి 363.874 బిలియన్ డాలర్లకు క్షీణించాయి.

మచిలీపట్నం, డిసెంబర్ 16: కాసులు కురిపించాల్సిన ‘అపరాలు’ రైతులకు చుక్కలు చూపిస్తున్నాయి. ఒక్కసారిగా పతనమైన మినుముల ధరలకు రైతులు కుదేలయ్యారు. దీంతో పెద్ద ఎత్తున నిల్వలు ఉంచిన రైతులకు పతనమైన ధరలు దిగాలుపడేలా చేశాయి. గత యేడాదితో పోలిస్తే మినుము ధర ఈ యేడాది పాతాళానికి పడిపోయింది. 50 శాతం పైబడి పడిపోయిన ధరలు రైతుల నడ్డి విరిచాయనే చెప్పవచ్చు.

న్యూఢిల్లీ, డిసెంబర్ 15: పెద్ద నోట్ల రద్దు అనంతరం ప్రజలకు అందుబాటులోకి తీసుకొస్తున్న కొత్త 2000, 500 రూపాయల నోట్లను సరికొత్త భద్రతా ఫీచర్లతో దేశీయంగానే డిజైన్ చేయడం జరిగిందని, కనుక వీటికి నకిలీలను ముద్రించే అవశాకాలు చాలా తక్కువని కేంద్ర ప్రభుత్వం గురువారం వెల్లడించింది.

న్యూఢిల్లీ, డిసెంబర్ 15: వడ్డీ రేట్లను పెంచుతూ అమెరికా ఫెడరల్ రిజర్వ్ తీసుకున్న నిర్ణయంతో అభివృద్ధి చెందుతున్న దేశాల ఆర్థిక వ్యవస్థలు ఆటుపోట్లకు గురయ్యే అవకాశం లేకపోలేదని, అయితే భారత్ మాత్రం ఈ ప్రభావాన్ని తట్టుకోగల స్థితిలో ఉందని కేంద్ర ప్రభుత్వం ముఖ్య ఆర్థిక సలహాదారు అరవింద్ సుబ్రహ్మణ్యన్ గురువారం ఇక్కడ అన్నారు.