లండన్, అక్టోబర్ 10: బ్రెంట్ ఆయిల్ ధర ఈ ఏడాదిలోనే గరిష్ఠ స్థాయిని తాకింది. అంతర్జాతీయంగా చమురు ఉత్పత్తి అదుపునకు రష్యా చర్యలు తీసుకుంటుందని ఆ దేశాధ్యక్షుడు వ్లాదిమిర్ పుతిన్ సంకేతాలిచ్చిన నేపథ్యంలో బ్రెంట్ ఉత్తర సముద్ర చమురు బ్యారెల్ ధర సోమవారం 53.45 డాలర్లు పలికింది. క్రితం ముగింపుతో పోల్చితే ఇది 1.53 డాలర్లు అధికం. 2015 అక్టోబర్ నుంచి గమనిస్తే ఈ స్థాయి ధర నమోదు కావడం ఇదే ప్రథమం.

ముంబయి, అక్టోబర్ 9: ముకేశ్ అంబానీ నేతృత్వంలోని సంచలనాత్మక టెలికామ్ సంస్థ రిలయన్స్ జియో.. ప్రపంచ రికార్డును నెలకొల్పింది. 4జి సేవలను ప్రారంభించిన తొలి నెల సెప్టెంబర్‌లో ఏకంగా జియో వినియోగదారులు 16 మిలియన్ల (కోటీ 60 లక్షలు)ను దాటిపోయారు మరి. ప్రపంచంలో ఇంతటి స్థాయిలో వృద్ధిరేటును మరే టెలికామ్ ఆపరేటర్ లేదా స్టార్టప్ అందుకోలేదని ఆదివారం రిలయన్స్ జియో ప్రకటించింది.

న్యూఢిల్లీ, అక్టోబర్ 9: దేశీయ ఆటోరంగ దిగ్గజం మారుతి సుజుకి తమ బాలెనో వాహనాన్ని 100కుపైగా దేశాల మార్కెట్లలోకి ఎగుమతి చేయాలని చూస్తోంది. కరీబియన్ దీవులతోపాటు దక్షిణాఫ్రికా, లాటిన్ అమెరికా, మధ్యప్రాచ్య, ఆగ్నేయాసియా దేశాల్లో బాలెనోను విడుదల చేసేందుకు ప్రణాళికలు సిద్ధం చేస్తోంది.

ముంబయి, అక్టోబర్ 9: రుణపీడిత కింగ్‌ఫిషర్ ఎయిర్‌లైన్స్ ఆస్తులను పలుమార్లు బ్యాంకులు వేలం వేసినప్పటికీ ఎవరి నుంచి ఎలాంటి స్పందన రాలేదన్నది తెలిసిందే. అయితే గోవాలోని సముద్ర తీరంలోగల కింగ్‌ఫిషర్ విల్లా కోసం ఆతిథ్య రంగం నుంచి అర డజను సంస్థలు, ఓ మీడియా గ్రూప్ ఆసక్తి కనబరుస్తున్నాయి. ఎస్‌బిఐ నేతృత్వంలోని 17 బ్యాంకుల కూటమి ఈ ఏడాది మే నెలలో ఈ విల్లాను స్వాధీనం చేసుకున్నాయి.