ముంబయి, అక్టోబర్ 3: మైక్రో యూనిట్స్ డెవలప్‌మెంట్ అండ్ రీఫైనాన్స్ ఏజెన్సీ (ముద్ర) తమ కార్యకలాపాల ద్వారా సాధించిన నికర లాభం తొలి ఏడాది 65.93 కోట్ల రూపాయలుగా నమోదైంది. ఆదాయం 364 కోట్ల రూపాయలుగా ఉందని ముద్ర చైర్మన్ క్షత్రపతి శివాజి సోమవారం తెలిపారు.

న్యూఢిల్లీ, అక్టోబర్ 2: రిజర్వ్ బ్యాంక్ ఆఫ్ ఇండియా (ఆర్‌బిఐ) ద్రవ్యసమీక్ష, స్థూల ఆర్థిక గణాంకాలు ఈ వారం దేశీయ స్టాక్ మార్కెట్లను ప్రభావితం చేస్తాయని నిపుణులు అంచనా వేస్తున్నారు. మంగళవారం జరిగే ఆర్‌బిఐ ద్రవ్యసమీక్షలో కీలక వడ్డీరేట్లు తగ్గుతాయన్న అంచనాలతోపాటు భారత్-పాక్ యుద్ధ వాతావరణం మదుపరులపై ప్రభావం చూపవచ్చని విశే్లషిస్తున్నారు.

కొత్తగూడెం, అక్టోబర్ 2: ప్రస్తుత ఆర్థిక సంవత్సరం (2016-17) ప్రథమార్ధం (ఏప్రిల్-సెప్టెంబర్)లో సింగరేణి సంస్థ బొగ్గు ఉత్పత్తిలో వెనుకబడింది. 89 శాతం ఉత్పదక రేటును మాత్రమే సాధించింది. సెప్టెంబర్ మాసం ముగిసేనాటికి గడచిన ఆరు మాసాలలో 2 కోట్ల 93 లక్షల 76 వేల 500 టన్నుల బొగ్గును సాధించాల్సి ఉండగా, 2 కోట్ల 61 లక్షల 82 వేల 302 టన్నులు మాత్రమే సాధించి 89 శాతం ఉత్పాదక రేటు నమోదు చేసుకుంది.

న్యూఢిల్లీ, అక్టోబర్ 2: దేశీయ మార్కెట్లోకి మరిన్ని పెట్టుబడులను ఆకర్షించేందుకు తగిన చర్యలు చేపడతామని, పన్ను వసూళ్లకు సంబంధించి విదేశీ పెట్టుబడిదారులు ప్రస్తావించిన కొన్ని సమస్యలతోపాటు వారి నుంచి వచ్చిన సూచనలను పరిశీలిస్తామని కేంద్ర ఆర్థిక మంత్రిత్వ శాఖ హామీ ఇచ్చింది.