ముంబయి, జూలై 4: కింగ్‌ఫిషర్ ఎయిర్‌లైన్స్ రుణంపై వన్-టైమ్ సెటిల్మెంట్ కోసం ఎస్‌బిఐ సిద్ధమైందని తెలుస్తోంది. లిక్కర్ కింగ్ విజయ్ మాల్యా నేతృత్వంలోని ఈ దేశీయ ప్రైవేట్‌రంగ ఎయిర్‌లైన్స్ పీకల్లోతు అప్పుల్లో కూరుకుపోయి విమానయాన సేవలకు దూరమైనది తెలిసిందే. ప్రభుత్వరంగ బ్యాంకింగ్ దిగ్గజం ఎస్‌బిఐ నాయకత్వంలోని 17 బ్యాంకుల కూటమికి కింగ్‌ఫిషర్ ఎయిర్‌లైన్స్ 9,000 కోట్ల రూపాయలకుపైగా బకాయి పడింది.

న్యూఢిల్లీ, జూలై 4: వెండి ధరలు దూసుకుపోతున్నాయి. రోజురోజుకు భారీగా పెరుగుతున్నాయి. గత వారం మొత్తంగా 3,000 రూపాయలకుపైగా పెరిగిన ధర.. సోమవారం ఒక్కరోజే 28 నెలల గరిష్ఠాన్ని తాకుతూ 2,155 రూపాయలు ఎగిసింది. తద్వారా కిలో ధర 47,715 రూపాయల వద్దకు చేరింది. ఈ ఏడాది ఆరంభం నుంచి దాదాపు 44 శాతం ధర పెరగడం గమనార్హం.

హైదరాబాద్, జూలై 4: తెలంగాణలో పెట్టుబడులకు గల అవకాశాలను చైనా ప్రతినిధి బృందం సోమవారం పరిశీలించింది. చైనాలోని చెంగ్‌షా, హునన్ ప్రావెన్సీకి చెందిన ప్రతినిధి బృందం తెలంగాణ పరిశ్రమలు, వాణిజ్య శాఖ ప్రిన్సిపల్ సెక్రటరీ అరవింద్ కుమార్‌ను సోమవారం సచివాలయంలో కలిసింది. తెలంగాణ నూతన పారిశ్రామిక విధానాన్ని ప్రతినిధి బృందానికి అరవింద్ కుమార్ వివరించారు.

కర్నూలు, జూలై 3: కర్నూలు జిల్లా ఓర్వకల్లు పారిశ్రామికవాడలో 3 చైనా కంపెనీలకు భూమిని కేటాయించే అవకాశం ఉందని అధికార వర్గాల సమాచారం. ఇటీవల చైనాలో పర్యటించిన ముఖ్యమంత్రి చంద్రబాబు నాయుడు పలు కంపెనీలతో చర్చించి అందులో 11 కంపెనీల ప్రతినిధులతో ఒప్పందాలు కుదుర్చుకోగా, మరికొన్ని కంపెనీలు క్షేత్రస్థాయిలో పర్యటించి వసతులు, వనరులను పరిశీలించి తమ నిర్ణయం తెలియజేస్తామని వెల్లడించినట్లు సమాచారం.