విశాఖపట్నం, జూన్ 17: దేశంలోనే ఆంధ్రప్రదేశ్ ఈస్ట్రన్ పవర్ డిస్ట్రిబ్యూషన్ కంపెనీ (ఏపీఈపిడిసిఎల్) అత్యుత్తమమైన సంస్థ అని మధ్యప్రదేశ్ పవర్ మేనేజ్‌మెంట్ కంపెనీ లిమిటెడ్, మధ్యప్రదేశ్ రాష్ట్ర ప్రభుత్వపు విద్యుత్ పంపిణీ సంస్థల ప్రతినిధుల బృందం కితాబిచ్చింది. శుక్రవారం ఆ బృందం ఇక్కడకు వచ్చింది. ఏపీఈపిడిసిఎల్ కార్పొరేట్ కార్యాలయాన్ని ఈ బృందం సందర్శించింది.

న్యూఢిల్లీ, జూన్ 17: బంగారం ధరలు మళ్లీ తగ్గాయి. గురువారం 30,000 రూపాయలకుపైగా పలికిన 10 గ్రాముల 99.9 స్వచ్ఛత కలిగిన పుత్తడి.. శుక్రవారం 29,650 రూపాయలకు దిగింది. ఆభరణాల వర్తకుల నుంచి డిమాండ్ లేకపోవడంతో ఈ ఒక్కరోజే 600 రూపాయలు తగ్గింది. నాణేల తయారీదారులు, పరిశ్రమ నుంచి ఆదరణ కరువవడంతో కిలో వెండి ధర కూడా 950 రూపాయలు తగ్గి 41,100 రూపాయలను తాకింది.

హైదరాబాద్, జూన్ 16: స్పెయిన్‌లో ఈనెల 24న జరిగే ఫిక్కి-ఐఫా గ్లోబల్ బిజినెస్ ఫోరం సమావేశానికి తెలంగాణ ఐటి శాఖ మంత్రి కె.తారక రామారావును ఆహ్వానించారు. ఈ సమావేశాల్లో జరిగే ప్యానల్ డిస్కషన్‌లో పాల్గొనాలని ఫిక్కీ నిర్వాహక బృందం కెటిఆర్‌ను కోరింది. ‘సినర్జీస్ ఇన్ ఐటి, స్మార్ట్‌సిటీ, టూరిజం ప్రమోషన్’ అనే అంశంపై ప్రసంగించాలని ఆయనను ఆహ్వానించారు.

ముంబయి, జూన్ 16: గత ఆర్థిక సంవత్సరం నాలుగో త్రైమాసికంలో భారత దేశ కరెంట్ ఖాతా లోటు గణనీయంగా తగ్గింది. మూడో త్రైమాసికంలో ఈ లోటు 710 కోట్ల డాలర్లు ఉండగా నాలుగో త్రైమాసికంలో దాదాపు 30 లక్షల డాలర్ల మేరకు తగ్గిపోయింది. వాణిజ్య లోటు తగ్గడమే కరెంట్ ఖాతా లోటు తగ్గడానికి ప్రధాన కారణం.