ముంబయి, మే 7: దేశీయ స్టాక్ మార్కెట్లు వరుసగా రెండో వారం నష్టాలకే పరిమితమయ్యాయి. అంతర్జాతీయ మార్కెట్ల ప్రతికూల సంకేతాలు, ప్రపంచ ఆర్థిక వృద్ధిపై ఆందోళనలు మదుపరులను అమ్మకాల ఒత్తిడికి గురిచేశాయి. గడచిన ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చికిగాను ప్రభుత్వ, కార్పొరేట్ సంస్థలు ప్రకటిస్తున్న ఆర్థిక ఫలితాలు ఆశాజనకంగా లేకపోవడం కూడా మార్కెట్ సెంటిమెంట్‌ను దెబ్బతీసింది.

హైదరాబాద్/శ్రీరాంపూర్ రూరల్, మే 7: ఒడిశాలోని అంగూల్ జిల్లాలోగల నైనీ బొగ్గు బ్లాకులో ఉత్పత్తి 36 నెలల్లో ప్రారంభిస్తామని సింగరేణి సిఎండి ఎన్ శ్రీధర్ తెలిపారు. 450 మిలియన్ టన్నుల బొగ్గు నిల్వలు ఉన్న నైనీ బొగ్గు గని సింగరేణికి వందలాది మైళ్ల దూరంలో ఉన్నందున దీన్ని ఎండిఓ పద్దతిలో నిర్వహించాలని యాజమాన్యం నిర్ణయించినట్లు చెప్పారు.

హైదరాబాద్, మే 7: ఈ ఏడాది మార్చితో ముగిసిన 2015-16 ఆర్ధిక సంవత్సరంలో 3,10,673 కోట్ల రూపాయల వ్యాపారం చేసినట్లు ప్రభుత్వరంగ బ్యాంకింగ్ సంస్థ ఆంధ్రా బ్యాంక్ వెల్లడించింది. అంతకుముందు ఆర్థిక సంవత్సరం 2014-15లో 2,84,588 కోట్ల రూపాయలుగా ఉందని శనివారం బ్యాంక్ ప్రకటించింది.

హైదరాబాద్, మే 6: అమరావతిలో రిజర్వ్ బ్యాంక్ ఆఫ్ ఇండియా (ఆర్‌బిఐ) ప్రాంతీయ కార్యాలయాన్ని ఏర్పాటు చేయాలని, హెలికాప్టర్లు, చిన్న విమానాలు దిగేందుకు వీలుగా ఒక హెలిప్యాడ్‌ను కూడా నిర్మించాలని అమరావతి డెవలప్‌మెంట్ అథారిటీ చైర్మన్ జాస్తి వీరాంజనేయులు కేంద్ర ప్రభుత్వాన్ని కోరారు. ఏపి సీడ్ ఫార్మ్‌లో 120 ఎకరాల స్థలం అందుబాటులో ఉందని, అక్కడ హెలిప్యాడ్ నిర్మించాలని సూచించారు.