విశాఖపట్నం, మే 3: తీవ్ర వర్షాభావ పరిస్థితులు విశాఖ పారిశ్రామిక అవసరాలకు నీటి సరఫరాపై దుష్ప్రభావాన్ని చూపుతున్నాయి. గోదావరి, ఏలేరు రిజర్వాయర్లలో నీటిమట్టాలు గణనీయంగా పడిపోవడంతో విశాఖ పరిశ్రమలకు నీటి సరఫరా నిలిచిపోయే ప్రమాదం ముంచుకొస్తోంది. గత రెండు రోజులుగా విశాఖలో ప్రధాన పరిశ్రమలకు విస్కో (విశాఖ ఇండస్ట్రియల్ వాటర్ సప్లై కంపెనీ) నీటి సరఫరా నిలిపి వేసింది.

న్యూఢిల్లీ, మే 3: ప్రభుత్వరంగ బ్యాంకుల నుంచి రుణాలు తీసుకుని ఎగవేతకు పాల్పడినవారిలో 50 మంది ఎగవేసిన మొత్తం విలువ 1.21 లక్షల కోట్ల రూపాయలుగా ఉంది. కేంద్ర ఆర్థిక శాఖ సహాయ మంత్రి జయంత్ సిన్హా ఈ మేరకు రాజ్యసభకు ఓ లిఖితపూర్వక సమాధానంగా తెలిపారు. 2015 డిసెంబర్ నాటికి ప్రభుత్వరంగ బ్యాంకుల రుణ ఎగవేతదారుల సంఖ్య 7,686గా ఉందన్న ఆయన మూడేళ్ల క్రితం ఇది 5,554గా ఉందన్నారు.

న్యూఢిల్లీ, మే 2: హౌసింగ్ ఫైనాన్స్ దిగ్గజం హెచ్‌డిఎఫ్‌సి లిమిటెడ్ ఏకీకృత నికర లాభం గత ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చి వ్యవధిలో గతంతో పోల్చితే 30.76 శాతం వృద్ధి చెందింది. 3,460.46 కోట్ల రూపాయలుగా నమోదైంది. అంతకుముందు ఆర్థిక సంవత్సరం (2014-15) జనవరి-మార్చి త్రైమాసికంలో సంస్థ లాభం 2,646.35 కోట్ల రూపాయలుగా ఉంది.

న్యూఢిల్లీ, మే 2: వౌలికరంగాల ప్రగతి ఈ ఏడాది మార్చి నెలలో 16 నెలల గరిష్ఠాన్ని తాకింది. రిఫైనరీ ఉత్పత్తులు, ఎరువుల రంగాల పనితీరు మెరుగుపడటంతో 6.4 శాతంగా నమోదైంది. ఇక మొత్తం గత ఆర్థిక సంవత్సరం (2015-16)లో ఎనిమిది కీలక రంగాల వృద్ధి 2.7 శాతంగా ఉంది. అయితే అంతకుముందు ఆర్థిక సంవత్సరం (2014-15) ఇది 4.5 శాతంగా ఉంది.