హైదరాబాద్, మార్చి 31: అనంతపురం జిల్లా వజ్రకరూర్ మండలంలోని చినహోతూరు గ్రామంలో 2.1 మెగావాట్ల పవన విద్యుత్‌ను ఉత్పత్తిచేసే ప్రాజెక్టును ప్రారంభించినట్లు హెరిటేజ్ ఫుడ్స్ తెలిపింది. ఏడాదికి 5 మిలియన్ యూనిట్లను ఉత్పాదక శక్తి కలిగి ఉంటుందని వెల్లడించింది. ఈ విద్యుత్‌ను గోకుల్ డెయిరీ ప్లాంట్‌కు, చిత్తూరు డైరీ ప్లాంట్‌కు వినియోగిస్తామని హెరిటేజ్ సంస్థ తెలిపింది.

న్యూఢిల్లీ, మార్చి 31: పిపిఎఫ్, కిసాన్ వికాస్ పత్ర లాంటి చిన్న మొత్తాల పొదుపు పథకాలు, సీనియర్ సిటిజన్ల డిపాజిట్లపై 1.3 శాతం దాకా వడ్డీ రేటు తగ్గింపు శుక్రవారంనుంచి అమలులోకి రానుంది. ఏప్రిల్ 1నుంచి జూన్ 30 వరకు త్రైమాసికానికి పబ్లిక్ ప్రావిడెంట్ ఫండ్ (పిపిఎఫ్)పై వడ్డీ రేటు 8.1 శాతంగా ఉంటుంది. ఇంతకు ముందు ఈ వడ్డీ రేటు 8.7 శాతంగా ఉండింది.

గాజువాక, మార్చి 31: విశాఖ ఉక్కు భవిష్యత్ ప్రణాళికలను విజయవంతంగా అమలుపరుస్తూ కర్మాగారాన్ని ముందుకు తీసుకువెళ్లడం అభినందనీయమని కేంద్ర ఉక్కు మంత్రత్వశాఖ కార్యదర్శి అరుణా సుందర్‌రాజన్ కొనియాడారు. విశాఖకు గురువారం వచ్చిన ఆమె కర్మాగారంలోని పలు విభాగాలను సందర్శించారు. ఎస్‌ఎంఎస్-1లో గల కన్వర్టర్‌ను పునః ప్రారంభించారు.

న్యూఢిల్లీ, మార్చి 30: భారతీయ కుబేరులు దేశం విడిచి వెళ్లిపోతున్నారు. విదేశాలకు మకాం మారుస్తున్నారు. గత ఏడాది ఏకంగా 4,000 మంది మిలియనీర్లు వివిధ దేశాలకు వెళ్లి స్థిరపడ్డారు మరి. ఈ విషయంలో ప్రపంచవ్యాప్తంగా భారత్ నాలుగో స్థానంలో ఉండటం గమనార్హం. న్యూ వరల్డ్ వెల్త్ విడుదల చేసిన నివేదిక ప్రకారం 2015లో దాదాపు 4,000 మంది సంపన్నులు భారత్‌ను వీడారు. కాగా, ఫ్రాన్స్‌లో ఈ విషయంలో మొదటి స్థానంలో ఉంది.