విజయవాడ: వచ్చే నవ్యాంధ్ర బడ్జెట్ యూజర్ ఫ్రెండ్లీగా ఉండబోతోంది. సామాన్యుడికి సైతం అర్థమయ్యేలా సులభ శైలిలో రూపొందిస్తున్నారు. సోమవారం విజయవాడ ఎ-1 కనె్వన్షన్ సెంటర్‌లో ప్రారంభమైన కలెక్టర్ల సదస్సులో రాష్ట్ర ఆర్థిక శాఖ ముఖ్య కార్యదర్శి పీవీ రమేశ్ ఈ విషయాన్ని స్పష్టం చేశారు. 2016-17 బడ్జెట్‌లో ప్రతి పుట అందరికీ అర్థమయ్యేలా రూపకల్పన చేస్తున్నట్టు వివరించారు.

న్యూఢిల్లీ: ప్రభుత్వరంగ బ్యాంకుల మొండి బకాయిలు.. వాటి మార్కెట్ విలువను మించిపోయాయి. దేశీయ స్టాక్ మార్కెట్‌లో లిస్టయిన బ్యాంకుల మార్కెట్ విలువ రెండున్నర లక్షల కోట్ల రూపాయలుగా ఉంటే, ఈ బ్యాంకుల మొండి బకాయిలు (నిరర్థక ఆస్తులు) మాత్రం దాదాపు 4 లక్షల కోట్ల రూపాయలుగా ఉండటం గమనార్హం.

ఒంగోలు: అంతర్జాతీయ మార్కెట్‌లో రొయ్యల ధరలు భారీగా పలుకుతుండటంతో కోస్తా జిల్లాల్లో ఇబ్బడిముబ్బడిగా సాగు చేస్తున్నారు. వర్షాకాలంలో ఆక్వాసాగు రైతులకు సిరుల వర్షం కురిపిం చడంతో, వేసవికాలంలో మళ్లీ సాగు చేసేందుకు రొయ్య రైతులు పెద్ద సంఖ్యలో ఆసక్తి కనబరుస్తున్నారు. గతంలో ధరలు లేని సమయంలో వెనుకంజ వేసిన రైతులు, పారిశ్రామికవేత్తలు ప్రస్తుతం ధరలు ఆశాజనకంగా ఉండటంతో సాగు చేసేందుకు ముందుకు వస్తున్నారు.

న్యూఢిల్లీ: పేమెంట్స్ బ్యాంక్ ఏర్పాటు కోసం తపాలా శాఖ 800 కోట్ల రూపాయల పెట్టుబడుల ప్రతిపాదనకు పబ్లిక్ ఇనె్వస్ట్‌మెంట్ బోర్డు (పిఐబి) ఆమోదం తెలిపింది. అంతేగాక నెల రోజుల్లోపే కేబినెట్ ముందుకు ఈ ప్రతిపాదన వెళ్లనుంది. ప్రభుత్వరంగ సంస్థల పెట్టుబడుల ప్రతిపాదనలను కేంద్ర ఆర్థిక మంత్రిత్వ శాఖ ఆధ్వర్యంలోని పిఐబి పరిశీలించి తుది ఆమోదం కోసం కేబినెట్‌కు పంపిస్తుంది.