హైదరాబాద్: ప్రకాశం జిల్లా దర్శి పట్టణంలో అంతర్జాతీయ ప్రమాణాలతో కూడిన డ్రైవింగ్ శిక్షణ-పరిశోధన సంస్థను ఏర్పాటు చేసేందుకు కేంద్ర ప్రభుత్వం గ్రీన్ సిగ్నల్ ఇచ్చింది. దీనిని 18.51 కోట్ల రూపాయల వ్యయంతో పిపిపి పద్ధతిలో ఏర్పాటు చేస్తారు. ప్రభుత్వంతో భాగస్వామ్యం అయ్యేందుకు మారుతీ సుజికీ ముందుకు వచ్చింది. ఈ ప్రాజెక్టును 24 నెలల్లో పూర్తి చేస్తారు.

ముంబయి: దేశీయ స్టాక్ మార్కెట్లు వరుస రెండు వారాల నష్టాలకు బ్రేక్‌వేస్తూ గడచిన వారం లాభాల్లో ముగిశాయి. వచ్చే వారంతో ఫిబ్రవరి ఫ్యూచర్స్, ఆప్షన్స్‌కున్న గడువు ముగియనున్న క్రమంలో అంతర్జాతీయ సానుకూల సంకేతాల మధ్య మదుపరులు పెట్టుబడులకు ఆసక్తి కనబరిచారు.

ముంబయి, ఫిబ్రవరి 19: ముంబయిలో గురువారం ముగిసిన ‘మేక్ ఇన్ ఇండియా’ ఫెయిర్‌లో భారీగా 222 బిలియన్ డాలర్ల పెట్టుబడులకు అవగాహనా ఒప్పందాలు (ఎంఓయులు) కుదిరాయి. అయితే ప్రధాన మంత్రి నరేంద్ర మోదీ చేతుల మీదుగా ప్రారంభమై వారం రోజుల పాటు జరిగిన ఈ కార్యక్రమానికి విదేశీ సంస్థల హాజరు పలుచగా ఉండటాన్ని చూస్తుంటే పైన పేర్కొన్నంత భారీ మొత్తంలో పెట్టుబడులు రాకపోవచ్చని స్పష్టమవుతోంది.

ముంబయి, ఫిబ్రవరి 19: లావాదేవీల చివర్లో పెద్ద ఎత్తున కొనుగోళ్ల మద్దతుతో స్టాక్ మార్కెట్లు శుక్రవారం ప్రారంభంలో నష్టాలనుంచి బైటపడి సెనె్సక్స్ 60 పాయింట్ల స్వల్ప లాభంతో మగిసేందుకు దోహదపడ్డాయి. బ్యాంకింగ్, బ్లూచిప్ కంపెనీల షేర్లు చక్కటి లాభాలు ఆర్జించడంతో అక్టోబర్ తర్వాత మార్కెట్లు తొలిసారిగా వారంలో మంచి లాభాలు ఆర్జించేలా చేశాయి.