న్యూఢిల్లీ, ఫిబ్రవరి 5: ఈ ఆర్థిక సంవత్సరం (2015-16)లో భారత జిడిపి వృద్ధిరేటు 7.4 శాతంగా నమోదు కావచ్చని నేషనల్ కౌన్సిల్ ఆఫ్ అప్లైడ్ ఎకనామిక్ రిసెర్చ్ (ఎన్‌సిఎఇఆర్) శుక్రవారం ఓ నివేదికలో అంచనా వేసింది. వచ్చే ఆర్థిక సంవత్సరం (2016-17)లోనూ ఇదే స్థాయిలో జిడిపి వృద్ధిరేటు ఉంటుందని పేర్కొంది.

న్యూఢిల్లీ, ఫిబ్రవరి 5: ముందస్తు బడ్జెట్ సంప్రదింపుల్లో భాగంగా శనివారం రాష్ట్రాల ఆర్థిక మంత్రులతో కేంద్ర ఆర్థిక శాఖ మంత్రి అరుణ్ జైట్లీ సమావేశం అవుతున్నారు. ఈ సందర్భంగా వస్తు, సేవల పన్ను (జిఎస్‌టి) అమలుకు తీసుకోవాల్సిన చర్యలపై చర్చ జరిగే అవకాశాలు కనిపిస్తున్నాయి. రాజ్యసభలో ఈ రాజ్యాంగ సవరణ బిల్లు ఆమోదం పొందలేకపోతున్నది తెలిసిందే.

హైదరాబాద్, ఫిబ్రవరి 5: సింగరేణివ్యాప్తంగా అన్ని ప్రాంతాల్లో నిర్వహించిన ‘సింగరేణి ఆణిముత్యాలు-ఉద్యోగమేళా’లో ఎంపికైన వారంతా తమకు నిర్దేశించిన తేదీల్లో ఆయా సంస్థలలో వెంటనే చేరాలని సింగరేణి యాజమాన్యం విజ్ఞప్తి చేసింది. జనవరి 27 నుంచి ఫిబ్రవరి 1 వరకు నిర్వహించిన ఈ మేళాలో పాల్గొన్న 7559 మంది యువత వివిధ ఉద్యోగాలకు ఎంపికయ్యారని తెలిపింది.

హైదరాబాద్, ఫిబ్రవరి 5: వచ్చే ఐదేళ్లలో హైదరాబాద్‌లోని హౌసింగ్ ప్రాజెక్టుల్లో రూ. 500 కోట్ల పెట్టుబడులు పెట్టనున్నట్లు పురవంకర ప్రాజెక్టు సంస్థ ప్రకటించింది. తమ సంస్థ ప్రొవిడెంట్ హౌసింగ్ లిమిటెడ్ కింద 2,400 ఇండ్లను నిర్మించనున్నట్లు సంస్థ ఎండి ఆశిష్ పురవంకర శుక్రవారం ఇక్కడ విలేఖరులకు తెలిపారు. తొలిదశలో భాగంగా కెన్‌వర్త్ బై ప్రొవిడెంట్ పేరిట హౌసింగ్ కాలనీని ప్రారంభించినట్లు చెప్పారు.