విలాసం అనగా చిరునామా. ఆంధ్రుల రాజధాని విలాసమేమిటో ఇంకా సందిగ్ధంలోనే ఉంది. రాజధాని స్థానంలో బహువచనం వాడాల్సి రావొచ్చు.. రాజధానులంటూ. ఆంధ్రప్రదేశ్ అభివృద్ధి సూచనలకై ఏర్పాటుచేసిన జీ.ఎన్.రావు కమిటీ తన నివేదికను ప్రభుత్వానికి సమర్పించింది. ఆ నివేదికలో అంశాలు, వివిధ పత్రికలు రిపోర్ట్ చేసినవి. స్థూలంగా చూస్తే శ్రీకృష్ణ కమిటీ రిపోర్ట్‌ని పోలి వున్నాయి. శ్రీకృష్ణ కమిటీ సూచనల్ని బలపర్చేవిగా ఉన్నాయి.

దేశం ముందు పెను సవాళ్లున్నాయి. అందులో మొదటిది ఆర్థికంగా దివాళా దిశగా దేశం దిగజారుతూ పోవడం. కనుక ఆర్థికస్థితి చక్కబరచడం ప్రభుత్వానికి తొలి ప్రాధమ్యం కావాలి. ఒక రకంగా చూస్తే అదే ఏకైక ప్రాధమ్యం కావాలి కూడా. ఆ స్థాయిలో ఫోకస్ అవసరమున్న తీవ్రమైన అంశం ఇదే.

కేంద్రం తాజాగా తెచ్చిన పౌరసత్వ చట్టంతో భారతీయ పౌరులెవరికీ నష్టం లేదని కేంద్ర ప్రభుత్వం స్పష్టంగా ప్రకటించినా ఈశాన్య రాష్ట్రాలు పశ్చిమ బెంగాల్లో హింసాకాండ కొనసాగుతోంది. పాక్, బంగ్లా, అఫ్ఘన్ దేశాల్లో బలవంతపు మత మార్పిడిలు, కిడ్నాపుల వంటి వేధింపులు తట్టుకోలేక డిసెంబర్ 2014 లోపు వచ్చిన కొన్ని వేల మంది ముస్లిమేతర శరణార్థులకు పౌరసత్వం ఇవ్వటంతో స్థానిక ప్రజల్లో అభద్రతాభావం ఇంకా పెరిగిపోయింది.

నాగరిక సమాజం ఏర్పడాలంటే అది న్యాయ మార్గం ద్వారానే సాధ్యం. ఆలస్యం అమృతం విషం- అన్న సూక్తి న్యాయానికి చక్కగా అన్వయం అవుతుంది. ఆలస్యంగా న్యాయం అందితే అది- న్యాయం నిరాకరించబడినట్టే. అందుకనే పటిష్టమైన న్యాయవ్యవస్థను ఏర్పరచుకోవడం సమసమాజ స్థాపనకి మొదటిమెట్టు. అవసరమైన చట్టాలూ వాటిని నిష్పాక్షికంగా అమలు చేసే యంత్రాంగం, బాధ్యత కలిగిన పౌర సమాజం సత్వర న్యాయం దిశగా సమాజం నడవడానికి కీలకం.