తెలంగాణా యందు ఇంకుడు గుంటల విషయంలో ప్రముఖుల నివాస స్థానాలలోనూ, అధికారులు తమ నివాసాలలోనూ మంత్రుల నివాస స్థలాల్లోనూ, ఇంకుడు గుంటలకు స్థలాన్ని కేటాయించలేదని వార్తలు వస్తున్నాయ. బోధించడం ప్రచార ఆర్భాటం చేయడం అతి సులభాతి సులభం. కాని ఆచరణలో ఉంచడం అతి కష్టతరం. పెద్దలూ, ప్రభుత్వమూ గమనించుదురుగాక! ప్రముఖులూ ఒకరికి చెప్పేటందుకే నీతులా?! ఏమో?!
- ప్రొఫెసర్ కె.ఎన్.రావు, కావలి

అసోంలో ఈమధ్య జరిగిన ఎన్నికల్లో కాంగ్రెస్ పార్టీకి, వామపక్షాలకు ప్రజలు, ముఖ్యంగా ముస్లింలు గుణపాఠం చెప్పారు. ఆ రాష్ట్రంలో ముస్లింల ప్రాబల్యం అధికంగా ఉన్న ప్రాంతాల్లో భారతీయ జనతా పార్టీ అభ్యర్థులు విజయం సాధించడం దీనికి రుజువు. ఇంతకాలం మైనారిటీలంటూ ఓటు బ్యాంకు రాజకీయాలు నెరపిన కాంగ్రెస్ ఎత్తులను వారు చిత్తు చేశారు.

దాచుకున్న డబ్బుల మీద నెల నెలా వచ్చే వడ్డీని తగ్గించి యిచ్చి అది కొత్త సాఫ్ట్‌వేర్ ప్రవేశపెట్టినందువల్ల అని బ్యాంకులు, పోస్ట్ఫాసులు అంటున్నాయి. యేటా ఏప్రిల్ మాసంలో ఫారం 15జి/ 15హెచ్ యిస్తున్నా అసల్లో కోత విధిస్తున్నది స్థానిక స్టేట్ బ్యాంకి. డిడక్ట్ చేసినట్లు సర్ట్ఫికెటు యిస్తాం. రిఫండ్ తెచ్చకోండి అంటున్నది. ఇప్పుడు యింకో సమస్యతోడైంది.

ప్రతిమతానికి సంప్రదాయాలు, కట్టుబాట్లు ఉంటాయి. కేవలం కొన్ని ఆలయాల్లో మాత్రమే ఈ కట్టుబాట్లు ఉండం ఆ మతం ఉన్నతికే. స్ర్తి ప్రత్యక్ష దైవం మానవజాతికి మార్గదర్శకం. ఈ విషయాన్ని ఎవరూ కాదనలేరు. ఎవరో గొడవ చేసి బావుకోవాలనుకోవడం సరైంది కాదు. ఏ ఇతర మతాల విషయంలో ఇటువంటి వాటిలో తలదూర్చని కోర్టులు హిందూమతం వచ్చేసరికి చులకన చేయ డం ధర్మం కాదు. హిందూమతంలో అక్కరలేని జోక్యాలను నివారించడం మంచిది.